B. X. Azizkulov, B. K. Janzakov iqtisodiy siyosatga kirish samarqand

iqtisodiy inqiroz deb ishlab chiqarish hajmining keskin tushib ketishiga 
aytiladi.
Inqirozning sababi shundan iboratki, jamiyatda ishlab chiqarilgan tovarlar 
massasi to‘lovga muqobil talabga mos kelmay (undan oshib ketadi yoki kam 
bo‘ladi) qoladi. Natijada ishlab chiqarishning bir qismi to‘xtab qoladi, tovar ishlab 
chiqarish kamayadi, ishlab chiqarishning o‘sish davri uning tushkunligi bilan 
almashinadi. Iqtisodiyotning o‘sishi inflyatsiya, ya‘ni narx darajasining asossiz 
ravishda keskin ko‘tarilishi sababli orqaga ketadi. Shunday davrlar ham bo‘ladiki, 
bunda iqtisodiy o‘sish bandlilik va ishlab chiqarishning past darajasiga o‘rin 

---

32 
beradi, ayrim hollarda narx darajasining ko‘tarilishi bilan birga ishsizlik ham 
keskin o‘sadi. Qisqacha aytganda, iqtisodiy o‘sishning uzoq muddatli tamoyillari 
ham ishsizlik, ham inflyatsiya oqibatida uzilib qoladi va murakkablashadi. 
Inqirozlarning asosiy sababi -takror ishlab chiqarishdagi beqarorlik va 
nomutanosibliklardir. Bu avvalo ishlab chiqarish va uning natijalarini o‘zlashtirish 
o‘rtasidagi nomutanosiblik bo‘lib, u turli ishlab chiqarish usullari va iqtisodiy 
tizimning har xil nushalarida turli shakllarida namoyon bo‘ladi. 
Ishlab chiqarish bilan iste‘mol, talab va taklif o‘rtasidagi vaqti-vaqti bilan 
yuzaga kelib turadigan nomutanosibliklar ham iqtisodiy inqirozlarning yuzaga 
chiqish imkoniyatini saqlaydi. 
Rivojlangan tovar xo‘jaligi paydo bo‘lgunga qadar ishlab chiqarishning 
keskin qisqarishi odatda tabiiy ofatlar (qurg‘oqchilik, toshqinlar va h.k.) yoki 
urushlar va ular keltiradigan vayronagarchiliklar bilan bog‘liq bo‘lgan. Yirik 
mashinali ishlab chiqarishga o‘tilgan davrdan keyingi vaqti-vaqti bilan 
iqtisodiyotni larzaga solib turuvchi iqtisodiy inqirozlar ijtimoiy takror ishlab 
chiqarishga siklik tavsifni kasb etadi. Inqirozlar turli-tuman tarzda ro‘y bersada, 
ularni umumiy, o‘xshash tomonlarini nazarda tutib, guruxlarga ajratish mumkin. 
1. Xo‘jalik tizimida muvozanatning buzilishi miqyosiga ko‘ra inqirozlarni 
umumiy hamda ayrim sohalarda yuz beradigan inqirozlarga bo‘lish mumkin. 
Umumiy inqirozlar butun milliy xo‘jalikni qamrab olsa, ikkinchisi qisman, ya‘ni 
ayrim sohalar yoki tarmoqlardagi tanglik sifatida ro‘y beradi. 
Ayrim sohalardagi inqirozlarga quyidagilarni kiritish mumkin: Pul-kredit 
sohasidagi inqiroz - mamlakat pul-kredit tiziminish tang ahvolga tushishi bo‘lib, 
bunda tijorat va bank krediti keskin qisqaradi, qimmatli kog‘ozlar kursi, bank foizi 
tushib ketishi natijasida banklar sinib, yalpi holda bankrotlikka uchraydilar.Valyuta 
inqirozi - bu milliy valyuta obro‘sining tushib ketishi, bankda valyuta zahirasining 
tugab, milliy valyuta kursining keskin pasayishi holati hisoblanadi. Birja inqirozi - 
birjada 
qimmatli 
kog‘ozlar 
kursining 
tezda 
tushib 
ketishi, ularni 
emissiya qilishning qisqarishi, fond birjalari faoliyatidagi chuqur tushkunlik, 
tanglik holati. Atrof-muhitni, eng avvalo inson sog‘lig‘ini yo‘qotish, umrini 
qisqartirishga olib keladigan darajadagi vaziyatni vujudga kelishida ifodalanuvchi 
inqiroz ekologik inqiroz deyiladi. U sanoatning shiddatli tarzda o‘sishiga yo‘l 
qo‘ymaydi.Tarmoqlar inqirozi - milliy xo‘jalikning biron-bir tarmog‘ini qamrab, 
ishlab chiqarishning tarkibiy o‘zgarishi yoki normal xo‘jalik aloqalarining buzilishi 
tufayli yuz beruvchi inqiroz.Ishlab chiqarishning ayrim sohalari bilan tarmoqlar 
rivojlanishi o‘rtasidagi chuqur nomutanosibliklar oqibatida kelib chiquvchi 
inqirozlar tarkibiy inqirozlar deyiladi. 
Tarkibiy inqirozlar bilan iqtisodiy tebranishlar va shu jumladan iqtisodiy 
faollikning mavsumiy tebranishlari ham mavjud bo‘ladi. Masalan, bayramlar 

---

33 
arafasidagi harid qilish, iste‘molchilik tovarlarining faollik sur‘atida, asosan 
chakana savdoda sezilarli har yillik tebranishlarga olib keladi. Qishloq xo‘jaligi, 
avtomobilь sanoati, qurilish ham qandaydir darajada mavsumiy tebranishlarga 
duchor bo‘ladi.Iqtisodiy faollik iqtisodiyotdagi uzoq muddatli tamoyillarga, ya‘ni 
uzoq muddatli davr, masalan, 25, 50 yoki 100 yil davomida iqtisodiy faollikning 
ortishi yoki pasayishiga bog‘liq . Bu yerda shuni ta‘kidlash lozimki, ayrim 
mamlakatlarda (masalan AQSH) uzoq muddatli tamoyil sezilarli iqtisodiy o‘sish 
bilan tavsiflansa, boshqalari uchun iqtisodiy o‘sishning sekinlashuvi xos. Iqtisodiy 
faollikning tebranishini tushuntiruvchi ko‘plab qarashlar mavjud bo‘lishiga 
qaramasdan ko‘pchilik iqtisodchilar, ishlab chiqarish va bandlik darajasini bevosita 
aniqlovchi omil umumiy yoki yalpi sarflar darajasi hisoblanadi, deb tasdiklaydi. 
Qishloq xo‘jaligidagi iqtisodiy inqirozlar