Б тасдиқламоқ; в эшитиб кўрмоқ, тингламоқ

2.1. Аудиторлик фаолияти билан шуғулланмоқчи бўлган жисмоний шахслар қуйидаги талабларнинг қайси бирига жавоб беришлари лозим?
а) иқтисодий соҳа бўйича олий маълумотга ва охирги 10 йил ичида иқтисод соҳасида 3 йиллик амалий иш тажрибасига эга бўлиш;
б) аудит, солиқ ва бухгалтерия ҳисоби йўналишида олий таълим муассасасида таълим олаётган бўлиши ва охирги 10 йил ичида иқтисод соҳасида 3 йиллик амалий иш тажрибасига эга бўлиш;
в) иқтисодий соҳа бўйича ўрта маълумотга эга бўлиш ва аудит, солиқ ва бухгалтерия ҳисоби бўйича 10 йиллик амалий тажрибага эга бўлиши;
г) солиқ маслаҳатчиси малака сертификатига ва 5 йиллик иш стажига эга бўлиши.


2.2. Аудиторлик ташкилоти қандай ҳуқуқий ташкилий шаклда фаолият юритиши мумкин?
а) акциядорлик жамияти шаклида;
б) масъулияти чекланган жамият шаклида;
в) Ўзбекистон Республикаси қонунчилигида мавжуд бўлган барча ташкилий ҳуқуқий шаклларда;
г) оилавий корхона сифатида.


2.3. Устав капиталида давлат улуши бўлган “Фаровон” МЧЖ 2020 йилнинг 15 октябрида юридик шахс сифатида давлат рўйхатига олинган. Корхона 2020 йил натижалари бўйича алоҳида аудиторлик текшируви ўтказиши шартми?
а) йўқ, сабаби корхонанинг 2020 йилдаги фаолияти натижалари 2021 йил натижаларига қўшилган ҳолда молиявий ҳисоботда қайд этилади;
б) йўқ, сабаби корхона 2020 йил натижалари бўйича молиявий ҳисобот тузмайди;
в) ҳа, корхонанинг устав капиталида давлат улуши бор;
г) ҳа, 2020 йил учун аудиторлик хулосасини солиқ органига тақдим этиш лозим.


2.4. Аудиторлик фаолияти бўйича ички стандартларни ишлаб чиқариш маъулияти кимга юклатилган?
а) давлатнинг ваколатли органига;
б) нотижорат нодавлат профессионал жамоат ташкилотларига;
в) вазирлар махкамасига;
г) аудит соҳасида катта амалий ва назарий тажрибага эга шахсларга.


2.5. Аудиторлик ташкилотининг мажбуриятларига кирмайдиган талабни кўрсатинг.
а) аудиторлик хизматларини кўрсатиш чоғида олинган ахборотнинг махфийлигини таъминлаш;
б) штатида асосий иш жойи аудиторлик ташкилоти бўлган камида тўрт нафар аудитор мавжуд бўлишини таъминлаш;
в) бухгалтерия ҳисоби тўғрисидаги қонунчиликнинг аниқланган бузилишлари тўғрисида ёки коррупцияга оид ҳуқуқбузарликларни аниқ тасдиқловчи фактлар ҳақида хўжалик юритувчи субъектнинг раҳбариятини ва корпоратив бошқарув учун масъул бўлган шахсларни, аудит қўмитасини ёзма шаклда хабардор қилиш;
г) аудиторлик ташкилотининг бош бухгалтери алмашганлиги ҳақида ваколатли давлат органини беш кунлик муддатда ёзма ёки электрон шаклда хабардор қилиш.