Б. Ш. Ризаев,Б. Б. Хасанов муҳандислик геологияси

Умумий геология - Ердаги ташқи ва ички жараёнларнинг содир бўлиш, ривожланиш ва
сўниш қонуниятларини ўрганади.
Минералогия - Ердаги ҳосил бўладиган химиявий бирикмалар - минераллар ҳақидаги фан
бўлиб, уларнинг ҳосил бўлиш таркиби ва қурилиш хоссаларини ўрганади.
Петрография - Тоғ жинслари, таркиби, келиб чиқиши, ётиш шароити ва тарқалиш
қонуниятини ўрганувчи фандир.
Тарихий геология - Ернинг узоқ ўтмиши тарихини ва ер қобиғининг ривожланиш
қонуниятларини ўрганувчи фан бўлиб, ўзига стратиграфия ва палеогеография илмларини
бирлаштиради.
Кристаллография - моддаларнинг кристаллик ҳолати ва кристаллик
панжарасини ўрганувчи фан. Моддаларнинг кристаллик тузилишини ўрганиш, қурилиш
материалларининг технологиясини билиш учун зарурдир.
Палеонтология - Ўтмишда яшаган ва тоғ қатламлари орасида қолиб, тошга айланган
ўсимлик (Флора) ва ҳайвон (Фауна) қолдиқларини ўрганадиган фан.
Геофизика - Ер қатламларидаги жинсларнинг физикавий хусусиятларини ўрганадиган фан.
Замонавий электрометрия, сейсмометрия усуллар билан қурилиш майдонларидаги тоғ
жинсларининг ток ўтказиш қаршиликлари ўзгариши, тўлқинларнинг тарқалиш тезлиги,
магнитланиш хусусиятлари, радиоактивлиги, зичлик хоссалари аниқланади.
Тектоника - тоғ жинсларининг ётиш шаклини, яъни нишаблик билан ёки узилмали,
бурмали ҳолларини ўрганади. +урилиш ишлари олиб бориладиган, зилзилали ҳудудларда тектоник
шароитни ҳисобга олиш муҳим бўлиб, бино ёки иншоотлар қисмлари зилзила оқибатида тектоник
ёриқлар бўйича, бир - бирига нисбатан силжиши туфайли шикастланиши ёки вайрон бўлиши
мумкин.
Геоморфология - Ерни сатҳий шакллари, тоғликларни ҳосил бўлиши даврлари ва
йўлларини ўргатадиган фан.
Гидрогеология - Ер остида тўпланадиган сувлар ҳақидаги фан бўлиб уларнинг ҳосил
бўлишини, ҳаракатланиш қонуниятини, таркибини, қидириб топиш усулларини ўрганади.