B. S. Usmanov konservalash texnologiyasi asoslari

Xom ashyoni qayta ishlash korxonalariga yetkazish 
Yig‗ilgan xom ashyo konservalash korxonalariga turli xil taralarda 
keltiriladi. Tekis strukturaga ega bo‗lgan meva va sabzavotlar odatda 350-400 kg 
xom ashyo sig‗adigan qutilarda keltiriladi bunday taralarni odatda konteynerlar 
deyiladi. Xom ashyolarni tashish uchun yana 20 kg xom ashyo sig‗adigan panjarali 
yog‗och qutilardan foydalaniladi. 
Yumshoq strukturaga ega bo‗lgan xom ashyolarni ( rezavor mevalar, mayda 
danakli mevalar – olcha, gilos, qizil o‗rik va boshqalar) tashishda 8 -10 kg xom 
ashyo sig‗adigan yog‗och qutilarda, savatlarda va korzinalarda tashiladi. 
Ko‗k no‗xat (doni) suv solingan sisternalarda tashiladi, mahsulot va suvning 
nisbati 2:1 bo‗ladi.
Sisternalarda yana yarim tayyor mahsulotlar - tomat pulpasi, yirik 
maydalangan mevalar va boshqalar tashiladi. Qayta ishlash korxonalariga bu 
usulda tashilganda korxona albatta xom ashyo yetishtirish maydonida o‗zining 
birlamchi ishlov berish punktiga ega bo‗lishi kerak. Bu ko‗rinishdagi tashishni 
tashkil qilishda maxsus sanitar talablarga rioya qilish kerak. Bu usulda keltirilgan 
yarim tayyor mahsulotlarga konservalash korxonasida zudlik bilan ishlov berilishi 
shart. 
 

---

84 
 
Xom ashyo taralariga ishlov berish 
Qayta ishlash korxonalariga xom ashyo tashuvchi harqanday taraga maxsus 
sanitar ishlov beriladi. Tara sovuq va qaynoq suvularda yuviladi va ularga kuchli 
bug‗ bilan ishlov beriladi. Qutilar uchun maxsus yuvish mashinalari mavjud bo‗lib 
mashinaga qutilar zanjirli transporter yordamida tushiriladi va ular ketma-ket suv 
va bug‗ zonalaridan o‗tadi. 
Taralarga sanitar ishlov berishda eng yaxshi natijaga xlorli suv yordamida 
dezinfeksiyalash orqali erishish mumkin. Xlorli suvni tayyorlashda 1 litr suvga 200 
mg aktiv xlor hisobidan eritma tayyorlaniladi. Xlorli eritma bilan yuvilgan taralar 
albatta toza oqar suvda chayilishi kerak. 
Yuvilgan taralar albatta havoda quritiladi va ustma-ust terib qo‗yiladi.