B. S. Abdullayeva, B. M. Suropov iqtisodiyotda axborot-kommunikatsion

5.3. Android operatsion sistemasi. 
 
Android - 
Linux yadrosida yaratilgan portativ (tizimli) operatsion tizim bo’lib, 
kommunikatorlar, planshetli kompyuterlar, elekron kitoblar, raqamli pleyerlar, qo’l 
soatlari,  netbuklar  va  smartbuklarda  ishlatiladi.  Google  tomonidan  sotib  olingan 
Android  Inc.  kompaniyasi  tomonidan  yaratilgan.  Keyinchalik  Google  tizim 
rivojlanishi  bilan  shugʻullanadigan  Open  Handset  Alliance  (OHA)  birlashmasini 
tuzdi.  Android OS ishlaydigan birinchi moslama 2008-yilning 23-sentabrida HTC 
kompaniyasining  HTC  Dream  smartfoni  (T-Mobile  aloqa  operatori  tomonidan  T-
Mobile  G1  nomi  ostida  namoyish  etilgan)  bo’ldi.  Keyinchalik  boshqa  smartfon 
ishlab chiqaruvchi korxonalar tomonidan Android OS ostida moslamalar chiqarish 
so’rovlari  paydo  bo’la  boshladi.  Androidning  planshetlariga  moslashtirilgan  3-
versiyasi  (Honeycomb)  chiqqach  planshet  ishlab  chiqaruvchilariga  ham  Android 
operatsion  sistemasiga  talab  ortdi.  Google  kompaniyasi  ham  boshqa  ishlab 
chiqaruvchilar bilan hamkorlikda o’zining “Google Nexus” moslamalarini Android 
OS ostida ishlab chiqara boshladi.  
Smartfonlar va planshetlardan tashqari Android OS boshqa moslamalarga ham 
o’rnatiladi.  Masalan,  2009-yilda  sotuvga  Androidda  ishlovchi  fotoramka  sotuvga 
chiqdi. 2011-yilda Blue Sky kompaniyasi Android OS ostidagi “Aqlli”-“I’mWatch” 
soatlarini ishlab chiqardi. 2012-yil avgustda NIKON dunyodagi birinchi Androidda 
ishlovchi  fotokamerani  namoyish  etdi.  “Google  Nexus”  seriyasida  smartfon  va 
planshetlardan tashqari Android ostidagi Nexus Q mediapleyeri ham mavjud.  
2012-yil oktabrda Google kompaniyasining boshqaruvchi direktori Larri Peyj 
Android  ostidagi  moslamalar  soni  500  mln.dan  ortgani  va  har  kuni  1,3  mln.ga 
ko’payotgani haqida axborot berdi. 

---

53