B. M. Mamatkulov, X. E. Rustamova jamoada hamshiralik

Bemorni parvarish qilishda kasallik varaqalari yoki 
ma’lumotnomalarning berilishi
14 yoshdan katta bo‘lgan bemorni parvarish qilish bo‘yicha 
kasallik varaqasi ambulatoriya sharoitida og‘ir kasalliklar, jarohatlar 

---

161 
bo‘lganda davolovchi vrach tomonidan 7 kalendar kunigacha beriladi 
(ikkinchi jahon urushi qatnashchilari, nogironlari, Sobiq baynalminal 
- jangchilar, Chernobil AES avariyasini bartaraf etishda ishtirok 
etganlarga bu muddat 14 kalendar kuniga tengdir). 
Kasallik varaqasi bemor bilan birga istiqomat qilishidan qat’iy 
nazar bemorni parvarishlayotgan istalgan oila a’zosi yoki qarindoshiga 
beriladi. Bunda parvarish qiluvchi shaxsni mehnat ta’tilida bo‘lishi 
ahamiyatga ega emas. Statsionar sharoitda katta yoshdagilarni 
parvarish qilish bo‘yicha kasallik varaqalari berilmaydi. 
14 yoshgacha bo‘lgan bemor bolani parvarish qilinganda 
kasallik varaqasi ambulatoriya sharoitida davolovchi vrach tomonidan 
uning onasiga (agar u bo‘lmasa, otasiga yoki boshqa oila a’zosiga) o‘tkir 
kasallikning barcha davriga yoki surunkali kasallik avj olgan davrda 
remissiya vujudga kelguncha (14 kalendar kundan ko‘p emas) bo‘lgan 
davrga beriladi. 
Bemor bolani parvarishi buyicha vaqtincha ishdan ozod
etish to‘grisidagi ma’lumotnomaga davolovchi vrach VKK raisi bilan 
hamkorlikda beriladi va uzaytiriladi (bir vaqtning o‘zida 10 kungacha). 
Bemor bolani statsionarga yuborilganda kasallik varaqasi
yoki ma’lumotnoma gospitalizatsiya qilingan kundan yopiladi. Bola 
statsionardan chiqqandan so‘ng kasallikning o‘tkir davrida belgilangan 
tartibda bemor bolani gospitalizatsiyasigacha bo‘lgan davrdagi
kasallik varaqasidagi kunlarni hisobga olgan holda kasallik
varaqasi yoki ma’lumotnoma qaytadan beriladi. 
Agar oilada bir vaqtning o‘zida ikkita yoki undan ortiq bola kasal 
bo‘lsa, ularning parvarishi buyicha bitta kasallik varaqasi yoki 
ma’lumotnoma beriladi, agar bolalar navbat bilan kasal bo‘lsa, kasallik 
varaqasi yoki ma’lumotnoma har biriga alohida beriladi, agar ikkinchi 
bola birinchi bolaning kasallik davrida kasal bo‘lib qolsa, uning 
parvarishi bo‘yicha kasallik varaqasi birinchi bolaning parvarishi 
tufayli ishdan ozod bo‘lgan kunlarning mos kelganlarini chiqarib 
tashlagan holda birinchi kasallik varaqasi yopilgandan so‘ng beriladi. 
Bemor bolani parvarishi bo‘yicha kasallik varaqasi va 
ma’lumotnomani 
berish, 
uzaytirish 
va 
yopish 
haqidagi 

---

162 
ma’lumotlar ambulator sharoitda davolanganda bolaning rivojlanish 
tarixida, statsionarda davolanganda - kasallik tarixida, "Berilgan 
kasallik varaqalarini ro‘yhatga olish jurnali"da, hamda "VKK 
xulosalarini qayd etish jurnali"da qayd etiladi. 
Onasi kasal bo‘lganda yoki u boshqa bemor bolasi bilan 
statsionarda bo‘lsa, 3 yoshgacha bo‘lgan sog‘lom bolani yoki 16 
yoshgacha nogiron bolani parvarishi bo‘yicha kasallik varaqasi DPM 
vrachi hamkorlikda (sog‘lom bolani yoki nogiron bolani turar joyi 
bo‘yicha) ushbu parvarishni olib borayotgan qarindoshiga beradi. 
Ushbu holatda kasallik varaqasi bir vaqtning o‘zida onaning kasallik 
muddatiga yoki boshqa bemor bolani parvarishi bo‘yicha statsionarda 
bo‘lgan kunlariga beriladi. 
Maktabgacha muassasasida karantin e’lon kilinsa yoki 6 
yoshgacha bolani izolyasiya qilish zarur bo‘lganda, ota-onalardan 
biriga yoki oila a’zosiga davlat sanitariya - epidemiologiya nazorati 
organlari tomonidan belgilangan (14 kungacha) muddatga kasallik 
varaqasi beriladi. 
3 yoshgacha bo‘lgan bolalar statsionarda davolanganda hamda 
katta yoshdagi bolalar og‘ir kasal bo‘lganda vrachlarning xulosasiga 
ko‘ra ular qo‘shimcha parvarishga muhtoj deb topilsa, bevosita 
parvarish qilayotgan yoki oilaning boshqa a’zosiga ularga DPMda 
birga bo‘lish imkoni beriladi va bunda kasallik varaqasi beriladi. 
Mehnat ta’tilida bo‘lgan ishchiga kasallik varaqasi va 
ma’lumotnoma bemor bolani parvarishi bo‘yicha umumiy qoidalarga 
asosan beriladi.