B. M. Mamatkulov, X. E. Rustamova jamoada hamshiralik

 
Oila (uchastka) hamshirasi
birlamchi tizimdagi “oliy hamshiralik 
ishi”, «umumiy amaliyot hamshirasi», «feldsher», “tibbiyot hamshirasi”, 
«akusherka» kasbiy yo‘nalishlari bo‘yicha maxsus tibbiy ma’lumotga 
ega bo‘lgan yoki «umumiy amaliyot hamshirasi» dasturi bo‘yicha 
diplomdan keyingi ixtisosligini muvaffaqiyatli o‘tgan diplomli 
mutaxassisdir. 
 
Oila hamshirasi ish faoliyatida biriktirilgan aholiga, jinsi va 
yoshidan qat’iy nazar birlamchi tibbiy yordam ko‘rsatish va karantin, 
o‘ta xavfli va boshqa yuqumli kasalliklarni oldini olish bo‘yicha 
tadbirlar o‘tkazadi. Oila hamshirasi umumiy amaliyot shifokori bilan 
hamkorlikda va o‘zi mustaqil ravishda UAShning bevosita nazorati 
ostida faoliyat yuritadi. 
 
Oila hamshirasi o‘z ish faoliyatida tashkiliy-uslubiy masalalari 
bo‘yicha bevosita nazorat qiluvchi UAShga, maxsus 
jamoada 
hamshiralik ishi
masalalari bo‘yicha — bosh, katta hamshira-
feldsherga, umumiy masalalar bo‘yicha esa muassasa rahbariga 
bo‘ysinadi. 
 
Oila hamshirasi O‘zbekiston Respublikasining amaldagi direktiv va 
me’yoriy xujjatlari, O‘zbekiston Respublikasi Sog‘liqni saqlash 
vazirligining amaldagi buyruqlari, me’yoriy xujjatlari, sanitariya qoida 
va yo‘riqnomalari, Qoraqalpog‘iston
, 
Respublikasi Sog‘liqni saqlash 
vazirligi, Toshkent shahar va viloyat boshqarmalari, xududiy va 
mahalliy organlarning buyruqlari, muassasaning ichki buyruq va 
ko‘rsatmalariga, shuningdek mazkur nizomga asosan o‘z faoliyatini 
amalga oshiradi. 
 
Oila hamshirasini lavozimga tayinlash va lavozimdan ozod qilish 
amaldagi mehnat qonunchiligida belgilangan tartibda, muassasa rahbari 
tomonidan amalga oshiriladi. 
 
Oila hamshirasi o‘z vakolati doirasida UASh bilan birgalikda