B. K. Kalmuratov (tatu nókis filialı, assistant)

TOPAR BOLÍP PROGRAMMALÍQ TÁMIYNAT JARATÍWDA, ARALÍQTAN IT JOYBARLARDÍ BASQARÍW USHÍN GITHUB SISTEMASÍN QOLLANÍW ÓZGESHELIGI

B.T.Nurımbetov ( TATU Nókis filialı, assistent [e-mail] )

B.K.Kalmuratov (TATU Nókis filialı, assistant)

Búgingi kúnge kelip programmalastırıwǵa biyparq bolmaǵan insanlardıń derlik barlıǵı github túsiniginiń ne ekenliginen xabardar bolsa kerek. Sebeb, júda qısqa waqt ishinde github.com platforması programmalastırıw ushın áhmiyetli servis ekenligin kórsetip bere aldı.

Github.com bul 2008-jılı AQSH da jumıs baslaǵan, gitdan paydalanıp programmalıq ónim jaratıw hám versıyalardı basqarıw ushın biypul hosting sisteması.

Github 2018-jıldan berli Microsoft kompanıyasına tiyisli esaplanadı.

Git hámde Github birgelikde bizge programmalastırıwda úlken qolaylıqlardı jaratadı. Sol qolaylıqlardan biri aralıqtan turıp, topar bolǵan halda proektlerdi basqarıw imkaniyatı.

Bul ushın eń dáslep, biz gitdi kompyuterimizge ornatıwımız kerek. Github.com bulıtlı serverinen akkaunt, onnan keyin repozitoriy jaratıwımız kerek. Repozitoriy jaratıp atırǵan waqtımızda eń dáslep repozitoriyimizge at qoyiwimiz kerek, onnan keyin bizden ashıq kodlı yáki maǵlıwmatlar jasırın bolıwın soraydı (1-súwret). Eger biz “public” di saylasaq biziń proektimiz ashıq kodlı boladı hám basqa paydalanıwshılarda kóriw imkanıyatına iye boladı. “private” saylansa, úsh paydalanıwshıǵa shekem biypul qosıwımız múmkin, qalǵan paydalanıwshılardı qanday da bir tólem esesine qosıwımız kerek boladı. Bul principinende kóriwimizge boladı github ashıq kodlı programmastırıwdı júda qollap-quwatlaydı.

Súwret 1. Github.com da jańa repozitory jaratıw

Joqarıda biz jaratqan repozitoriy mánzili arqalı endi proektimizde qatnasatuǵın aǵzalar qaysı jerde bolıwına qaramastan óziniń kodların júklewi múmkin.

Biz programmamızdı kompyutermizde baslaǵannan keyin terminalǵa “git init” buyrıǵın jazamız. Ápwáyi tilde bul programmamızdı gitge jalǵap atırǵanımızdı bildiredi. Keyin terminalǵa “git add .”, “ git commit –m “some message” ”, “git push” buyrıqların mas izbe-izlikde kiritemiz. Yaǵnıy bul degeni proektimizde bar bolǵan barlıq faylları júkle, qandaydur xabar arqalı ózgerisdi belgilep qoy hám bulardıń barlıǵın githubqa qos buyrıǵın beremiz.[1]

Súwret 2. Android studio ortalıǵında terminal kórinisi

Demek, endi biziń kompyutermizde bar bolǵan fayllarımızdıń hámmesi hostinge júklendi. Jaratıp atırǵan proektimizge ózgerisler kirgiziwimiz kerek bolıp qalsa bizge búgingi kúnde birinshi járdemshi bul github desek aljaspaymız. Githubda “branch” túsinigi bar, yaǵnıy ol biz islep atırǵan proekttiń tolıq papkaları. Endi biz kiritejaq ózgerisimizdi bul branchda islep kórmesden (hár qıylı qáteliklerdiń aldın alıw maqsetinde), “git branch branchname” buyrıǵı arqalı ózimiz qálegen at penen bir at penen branch jaratıwımız hám tuykarǵı branchımızdaǵı barlıq kodlardı sol branchqa ótkizsek boladı.

Ekinshi jaratılǵan branchımızdaǵı jazǵan kodlarımız jaqsı orınlanǵannan keyin onı tiykarǵı branchqa qaytaldan qosıwımız kerek. Biz joqarıda keltirgenimizdey kodlarimizdı githubqa jiberemiz (push qılamız), proektimizdiń basqa aǵzalarına bul ózgeris haqqında xabar baradı hám olar yáki proekt mentorı kodlardı githubda tekserip kóredi. Programmada qáteshilik joq bolsa pull request túymesin basqan haqda jańa branchdaǵı ózgerislerdi proektke qosadı. Usı izbe-izlikde aralıqdan turıp, topar bolǵan halda proektler jaratıw múmkin.

Github hostinginde búgingi kúnde kóplegen úlken IT kompanıyalardıń rásmiy bazaları jaylasqan. Solardan mısal ushın: twitter, facebook, google hám basqalar.[2]

Ádebiyatlar

1. 
   Rick Rogers. Android Application Development - М.: КРТ Полиграф, 2009.
   
2. 
   Developers. [Electronic resource]. URL:
   

https://developer.android.com/studio/index.html/ (date of access:16.03.17).