B. B. Berkinov, Ye. A. Yarmolik, Q. Q. Quvnoqov

Makroiqtisodiy  tartibga  solishning  bir  strategiyasi  iqtisodiy 
o’sishga  ko’maklashishi  yoki  davlatning  iqtisodiy  rivojlanish 
darajasiga qarab unga to’sqinlik qilishi mumkin.  
Tashqi  savdoni  erkinlashtirish:  agar  mamlakat  iqtisodiy 
rivojlanishining  dastlabki  darajasi  AQSh  darajasining  taxminan  10 
foizidan  oshmasa,  u  holda  tarif  to’siqlarining  o’sishi  YaIMning  uzoq 
mudatli  o’sishi  bilan  ijobiy  o’zaro  bog’langan.  Shu  bilan  birga,  hatto 
rivojlanishning  dastlabki  darajasi  past  bo’lgan  taqdirda  ham  tariflarning 
haddan  ziyod  katta  darajasi  (29  foizdan  yuqori)  iqtisodiy  o’sishga 
to’sqinlik  qila  boshlaydi.  Agar  rivojlanish  darajasi  33-35  foizga  etsa,  u 
holda  tariflarning  istalgan  ijobiy  darajasi  YaIMning  o’sish  sur’atlariga 
salbiy ta’sir ko’rsatadi.