B abdullayeva, M. Usmonbayeva, O’. Asqarova, F. Ehsonova, S. Hakimov

 
 
Axloqiy  odat
  –  axloqiy  xatti-harakatlarning  mukammalashtirishga  bo’lgan 
ehtiyoj. U o’quvchilarda qulay vaziyatlarda ijobiy mazmunga ega xatti-harakatlarning 
izchil, doimiy, tizimli takrorlanishi hisobiga qaror toptiriladi. 
 
Axloqiy  ong
  –  jamiyat  tomonidan  tan  olingan  va  rioya  qilinishi  zarur  bo’lgan 
xulq-atvor,  odob  qoidalari,  axloqiy  me’yor  va  tamoyillar,  ezgu  g’oyalarning 
o’quvchilar  ongida  aks  etishini  ifodalovchi  ijtimoiy  ong  shakllaridan  biri.  Mazkur 
ong  turli  sohalarida  fidokorona  mehnat  qilayotgan,  ilm-fan,  madaniyat,  ishlab 
chiqarish,  sport  sohalarida  yutuqlarni  qo’lga  kirish  bilan  O’zR  nomini  jahonga 
mashhur  qilayotgan,  uning  obro’-e’tiborining  oshishiga  o’zining  munosib  hissasini 
qo’shayotgan  shaxslar  hayoti  va  faoliyat  to’g’risidagi  ma’lumotlardan  samarali 
foydalanish, vatanparvarlik namunalarini ko’rsatgan, xalq qahramonlari namunasida 
shakllantiriladi.  
Shaxsning axloqiy ongga egaligi quyidagi mezonlar bilan o’lchanadi: 1) axloqiy 
me’yor  va  tamoyillardan  xabardorlik;  2)  axloqiy  bilimlarni  o’zlashtirganlik;  3) 
o’zining  va  o’zgalarning  xatti-harakati,  yurish-turishi,  odobi,  jamiyat  va  tabiatga 
munosabatini axloqiy nuqtai nazardan nazariy baholay olish ko’nikmasiga egalik.