B abdullayeva, M. Usmonbayeva, O’. Asqarova, F. Ehsonova, S. Hakimov

Amaliy fan 
– muhim asos bo’luvchi hodisalar, ularning shakli, tuzilishi, tarkibi, 
qurilishi,  xossasi,  jarayonlarining  kechishi  kabilar  bilan  shartlangan  qonuniyatlarni 
izlashga  yo’naltirilgan  nazariy  va  amaliy  tadqiqotlarga  asoslanadigan  bilim  sohasi. 
Amaliy fanlar ko’plab gumanitar  va tabiiy fanlarning ustuvor tamoyillari asosida ish 
ko’radi.   
 
Amaliy  ishlar  metodi
  –  ta’lim  metodlaridan  biri.  U  o’zlashtirilgan  bilimlarni 
amaliy  masalalarni  yechish  jarayonida  qo’llashni  taqozo  etadi,  bunda  o’quvchilar 
nazariy bilimlarni amaliyotda qo’llash ko’nikmasi, malakasini samarali o’zlashtiradi. 
Mashq, laboratoriya ishlari va amaliy ishlar ushbu metodning turlari sanaladi. Amaliy 
ishlarning  laboratoriya  ishlaridan  farqi  shundaki,  u  o’quvchilarni  mavjud  nazariy 
bilimlardan  amaliy  masalalarni  yechishda  foydalanishga  yo’naltiradi.  Metod  ta’lim 
jarayonida  o’quvchilarning  bilimlarini  chuqurlashtirish,  bilish  faoliyatini  nazorat 
qilish va mavjud kamchiliklarni tuzatish imkoniyatini yaratadi.