B abdullayeva, M. Usmonbayeva, O’. Asqarova, F. Ehsonova, S. Hakimov

 
O’smirlik 
–  muhim  yosh  davrlaridan  biri  bo’lib,  u  shaxsning  tug’ilganidan 
keyingi  12-  hamda  15-yillarini  o’z  ichiga  oladi.
 
O’smirlikning  murakkabligi 
anatomik-fiziologik va psixologik xususiyatdagi kuchli o’zgarishlar bilan bog’liqdir. 
Bu davrda biologik o’sish tezlashadi. Shu sababli mazkur davr “o’tish davri” ham deb 

---

 
248 
yuritiladi.  “O’tish  davri”  hisoblangan  o’smirlik  yoshi  uchun  xarakterli  bo’lgan 
xususiyat  jinsiy  yetilish,  intensiv  (tezkor)  rivojlanish,  mustaqillik  hamda  o’zini 
namoyish  qilishga  intilishning  kuzatilishidir
.
  Mazkur  yosh  davrida  kuzatiladigan 
jinsiy  yetilish  o’smirning  fe’l-atvoriga  ta’sir  etadi.  O’smirlar  bilan  ishlashda  ularga 
ehtiyotkorona  yondashish  zarur.  O’smir  hayotida  mehnat,  o’yin,  sport  va  jamoat 
ishlari  katta  rol  o’ynaydi.  Ba’zi  o’smirlarning  o’zlashtirishi  pasayadi,  intizomi 
bo’shashadi. 
Zamonaviy  o’smir  ruhiyatida  quyidagi  holatlar  aks  etadi:  1.  Intellektual 
rivojlanish – tafakkur qobiliyatini shakllantirish talab etiladi, bilishga qiziqish ortadi; 
bu davrda to’garaklar, studiya, seksiya, turli tadbirlar o’tkazish katta ahamiyatga ega; 
ularning  kitob    o’qishga  qiziqishi  ortadi.  2.  O’z-o’zini  anglash,  baholash  va 
tarbiyalashga bo’lgan ehtiyoj shakllanadi.  U o’zini b. bilan solishtira boshlaydi. Shu 
bilan  birga  o’smir  xarakterida  murakkab  qarama-qarshiliklar  ham  mavjud  bo’lib,  u 
o’smir  faoliyati,  xulqida  yangi  xislatlarning  shakllanishida  ko’rinadi.  Bu  yoshda 
o’smirlar  kattalar  oldida  o’zlarining  erkinliklarini  namoyish  etishga  harakat  qiladi. 
O’z-o’zini  tarbiyalashga  bo’lgan  talab  o’sadi.  O’smir  yoshida  o’g’il  va  qiz  bolalar 
o’rtasida  farq  kuchayadi.  VII  sinfdan  intellektual      malakalar      pasayadi.      Shuning   
uchun      bu    davrda    o’quvchilarning  rivojlanishlariga  katta  e’tibor  berish  lozim.  O’z-
o’zini tarbiyalash natijasida o’g’il bolalar kuchli, erkin, e’tiborli, jasur; qizlar esa o’ta 
ko’nikuvchan, kamtar va jiddiy bo’la boshlaydi. O’smirga o’z vaqtini rejalashtirishda 
yordam  berish  zarur.  13-14  yoshgacha  o’smirda  burch  hissi,  mas’uliyatni  his  etish, 
vazminlik paydo bo’la boshlaydi.