B abdullayeva, M. Usmonbayeva, O’. Asqarova, F. Ehsonova, S. Hakimov

 
An’anaviy  dars  (yoki  klassik  (mumtoz)  dars) 
–
 
dastlabki,  asrlar  davomida 
takomillashgan,  namunaviy,  ta’lim  jarayoni  o’qituvchining  yetakchilik  roli 
ta’minlanib,  o’quvchining  past,  sust  ishtirokiga  asoslangan,  unga  tayyor  bilimlar 
beriladigan, axborot, bilimlarni o’zlashtirishda faol ishtiroki ta’minlanmagan dars. U 
o’zida  asrlar  davomida  shakllangan  o’qitish  tamoyillari,  shakllari,  metod  va 

---

 
18 
vositalarini  namoyon  etadi.  Bu  turdagi  darsning  umumiy  g’oyalari  buyuk  pedagog 
Ya.A.Komenskiyning  “sinf-dars”  tizimida  ilk  bor  tizimlashtirilgan  holda  yoritilgan. 
An’anaviy  dars  quyidagi  bosqichlar  asosida  tashkil  etiladi:  1.  Tashkiliy  jarayon.  2. 
O’tilgan mavzu bo’yicha uy vazifalarini tekshirish. 3. O’rganilgan mavzu yuzasidan 
o’quvchilarning  bilim  va  ko’nikmalarini  aniqlash.  4.  Yangi  bilimlarni  berish.  5. 
O’quvchilar  tomonidan  mavzuning  tushunilganlik  darajasini  dastlabki  aniqlash.  6. 
Yangi  materialni  yodga  olish  va  namuna  asosida  mashqlarni  bajarish  orqali 
o’quvchilar  o’zlashtirishini  tashkil  etish.  7.  O’quvchilarni    yangi  mavzu  bo’yicha 
o’zlashtirilgan  bilimlarni  ijodiy  qo’llashlari  va  yangi  bilimlarni  izlashlari  uchun 
imkoniyat  yaratish.  8.  Darsda  o’rganilgan  materialni  umumlashtirish  va  uni  avval 
o’zlashtirilgan bilimlar tizimiga kiritish. 9. O’quvchilar hamda o’qituvchi tomonidan 
amalga oshirilgan o’quv faoliyati natijalarini nazorat qilish va o’quvchilar faoliyatini 
baholash. 10. Uyga vazifa berish. 11. Darsning natijalari bo’yicha xulosa chiqarish. 
Bugungi  kunga  qadar  an’anaviy  dars  bir  necha  shakllarda  tashkil  etib 
kelinmoqda.  Ular:  yangi  materiallarni  o’zlashtirish  darsi;  bilimlarni  mustahkamlash 
darsi;  ko’nikma  va  malakalarni  shakllantirish  darsi;  takrorlash  darsi;  bilimlarni 
tekshirish darsi; takrorlash-umumlashtirish darsi; aralash dars.