B abdullayeva, M. Usmonbayeva, O’. Asqarova, F. Ehsonova, S. Hakimov

 
Amaliy  tadqiqot 
–  ma’lum  jarayon,  voqea,  hodisa  va  obyektlarning  nazariy 
mohiyati,  tamoyillarining  mohiyatini  tushuntirish  maqsadida  amaliy  jihatdan  tashkil 
etiladigan  tadqiqot.  Bu  kabi  tadqiqotlarning  ayrimlarida  yakuniy  samara  kutilgan 
natijalarga  olib  kelmasligi  mumkin.  Biroq,  ularni  uzoq  muddat  olib  borish  muhim 
natijalarni  qo’lga  kiritish  imkoniyatini  yaratadi.  Amaliy  tadqiqotlar  ilmiy-tadqiqot 
institutlari,  universitetlarda  amalga  oshiriladi.  Bu  kabi  tadqiqotlar  ijtimoiy  va  tabiiy 
qonuniyatlar,  ijtimoiy  va  tabiiy  hodisalarning  sabablarini  o’rganishga  imkon  berib, 
borliq haqidagi ilmiy bilimlarni boyitishga xizmat qiladi. Amaliy tadqiqotlar ko’plab 
ilmiy g’oyalar va borliq to’g’risidagi tafakkur metodlarining yaratilishi uchun asosiy 
manba sanaladi. Amaliy tadqiqotlar bilishga doir, tavsifiy bayon etish va tushuntirish 
xarakteriga ega bo’ladi.