Azizaxon Rasulova

Mavzu yuzasidan savollar:
1.
Lavhalar, e’lonlar, narxnomalar va boshqa ko‘rgazmali hamda 
og‘zaki axborot matnlari qaysi tilda rasmiylashtiriladi va e’lon qilinadi? 
2.
O‘zbekiston Respublikasi Prezidentining “O‘zbek tilining davlat 
tili sifatidagi nufuzi va mavqeyini tubdan oshirish chora-tadbirlari 
to‘g‘risida”gi farmoni qachon qabul qilindi? 
3.
Qaysi oliy ta’lim muassasasining tashkil etilgani tilimizning 
tarixiy ildizlarini chuqur o‘rganish, uni ilmiy asosda har tomonlama 
rivojlantirish va qo‘llanish doirasini kengaytirish, filolog kadrlar 
tayyorlash borasidagi ishlarni yangi pog‘onaga ko‘tardi?
4.
Geografik obyektlarning nomlari qaysi tilda aks ettiriladi? 
O‘ZBEKISTON RESPUBLIKASINING QONUNI 
Davlat tili haqida
1
 
(yangi tahriri) 
1-modda. 
O‘zbekiston Respublikasining davlat tili o‘zbek tilidir. 
2-modda. 
O‘zbek tiliga davlat tili maqomining berilishi respublika hududida 
yashovchi millat va elatlarning o‘z ona tilini qo‘llashdan iborat 
konstitutsiyaviy huquqlariga monelik qilmaydi. 
3-modda. 
O‘zbek tilining O‘zbekiston Respublikasi hududida davlat tili 
sifatida amal qilishining huquqiy asoslari ushbu Qonun va boshqa qonun 
hujjatlari bilan belgilab beriladi. 
Tilning Qoraqalpog‘iston Respublikasida amal qilishiga bog‘liq 
masalalar, shuningdek, Qoraqalpog‘iston Respublikasining qonunchiligi 
bilan belgilanadi. 
1
https://www.lex.uz/acts/121051 

---

17 
Ushbu Qonun tillarning turmushda, shaxslararo muomalada hamda 
diniy va ibodat bilan bog‘liq udumlarni ado etishda qo‘llanishini tartibga 
solmaydi. 
Fuqarolar millatlararo muomala tilini o‘z xohishlariga ko‘ra tanlash 
huquqiga egadirlar.