Azərbaycan ortopediya və travmatologiya jurnali

POLİSEQMENTAR BEL OSTEOXONDROZUNDA AĞRI SİNDROMUNUN LƏĞVİNDƏ CƏRRAHİ MÜDAXİLƏNİN ROLU
E.M.Çələbiyev, Y.R.Cəlilov
Elmi-Tədqiqat Travmatologiya və Ortopediya İnstitutu, Bakı
Bütün dünyada bel nahiyyəsində olan ağrı , ağrının aşağı ətraflara irradiasiya etməsi şikayəti ilə milyonlarla xəstələr həkimə müraciət edirlər. Hal –hazırda bu simtomlararın müalicəsinə xəstələr əsasən konservativ müalicə metodlarına üstünlük verirlər. Lakin simtomun əmələ gəlmə səbəbini araşdırdıqda , çox hissəsini fəqərəarası diskin bu və ya digər dərəcədə qabarması üstünlük təşkil edir və bu zaman konservativ müalicənin nəticələri qeyri qənaətbəxş olur. Xəstələrin əksəriyyəti orta və cavan yaşlar təşkil eydiyi üçün – az invziv , tez bir zamanda əmək fəaliyyətinə qayıtmaq , reabilitasiya dövrünün qısa olmasını istəyirlər.
İşin məqsədi
Poliseqmentar bel ostoxondrozunun cərahi müdaxilənin nəticələrinin qiymətləndirilməsi
Material və metodlar
Klinikamızda 2002-2015 –ci illər ərzində 20-68 yaş arasında olan 70 xəstə stasionar müalicə almışdır. Bu xəstələrin hamısına cərrahi müdaxilə edilmişdir. Aparılan əməliyyatlar aşağıdakılardan ibarətdir:

• 
  Disk yırtığının törətdiyi disk-radikulyar konflikt zamanı hissəvi hemilyamiektomiyası , diskin eksplorasiyası , onurğa seqmentinin fiksasiyası və spondilodez
  
• 
  Poliseqmentar osteoxondrozun fəqərə srqmentində yaratdığı qeyri-stabilliyin ləğvi üçün metal implantlarla fiksasiyası, auto- , allotransplantatlarla spondilodez
  
• 
  Polseqmentar osteoxondrozda degenerativ proseslərin yaratdığı skleroz və ossifikasiya nəticəsində stenoz zamanı dekompressiv hemi- , lamietomiya , metallofiksasiya və spondilodez
  

Xəstələrin hamısı ümümi anisteziya altında olunub. 54 xəstədə 1 səviyyədə (seqmentdə) , 16 xəstədə 2 və daha çox səviyyədə (seqmentdə) müdaxilə edilib. 12 xəstədə bizim təklif etdiyimiz fəqərə sütunun dayaq funksiyasını bərpası məqsədilə , az invaziv metal lövhələrlə fiksə edilib. İstifadə etdiyimiz lövhələr xəstələrin stasionar müalicəsinin müddətini azaltmaq və erkən funksional müalicəyə imkan verir.
Müzakirə
MRT, KT, spondiloqrafik müayinə metodları əməliyyatdan qabaq hazırlığı, əməliyyatın gedişatını və həcmini öncədən təyin etməyə imkan verir. Bundan başqa bütün xəstələr imkan daxilində əməliyyatdan qabaq konservativ-ortopedik müalicələr alıblar.
Nəticə
Degenerasiyaya uğramış fəqərə seqmentlərinin tam və ya hissəvi fiziki yüklənmənin götürülməsi, onların hərəkətsizləşdirilməsi (arxa spondilodez, seqmentar artrodez) xəstənin tez sağalması üçün şərait yaradır
Rəyçi: «Azərbaycan Ortopediya və Travmatologiya Jurnalının” redaksiya heyətinin üzvü Etibarlı S.
Redaksiyaya 02.03.2016-cı il tarixdə daxil olmuşdur.