Қазақ мәдениетінің тарихы

Аттестациялық балдардың мазмұны:

1. 
   (+40) – қойылған талаптарға сәйкес орындалған реферат немесе ғылыми баяндама үшін;
   
2. 
   (+40) – аралық бақылауда тестілік тапсырманы табысты орындаған үшін;
   
3. 
   (+5) - тестілік үй тапсырмасын дұрыс орындаған үшін;
   
4. 
   (+4) - академиялық шығарманы дұрыс жазғаны үшін;
   
5. 
   (+5) - табысты презентация үшін;
   
6. 
   (+5) - ауызша дұрыс жауап үшін;
   
7. 
   (+3) - микротоптарда, пікірталасқа белсенді қатысқаны үшін;
   
8. 
   (-2) - баяндаушының мағлұматтары топтағылардың қызығушылығын тудырмаған жағдайда;
   
9. 
   (-1) - қатысып отырған студенттердің баяндаушыға қоятын сұрақтары болмаған жағдайда;
   
10. 
    (+1) – студенттің баяндаушыға мәнді сұрақ қойғаны немесе маңызды толықтыру бергені үшін;
    
11. 
    (-1) – сабаққа келмегені немесе 5 минут кешіккені үшін;
    
12. 
    (0) - сабаққа келгені үшін.
    

Қорытынды бағаны қойғанда барлық бақылау формаларының балдары есепке алынады.
Қорытынды баға келесі формуламен есептеледі: ,
Р1 деген – бірінші рейтинг бағасының цифрлік эквиваленті ;
Р2 – екінші рейтинг бағасының цифрлік эквиваленті ;
Е – емтихандағы бағаның цифрлік эквиваленті.
Әріптік баға мен оның балдық цифрлі эквиваленті төменде көрсетілген таблицаға сәйкес дұрыс жауаптардың пайыздық мазмұнына қарай анықталады:

Бағалар	Балдардың цифрлік эквиваленті	Пайыздық мазмұны	Дәстүрлі формадағы бағалар
А	4,0	95-100	Үздік
А -	3,67	90-94
В +	3,33	85-89	Жақсы
В	3,0	80-84
B -	2,67	75-79
С +	2,33	70-74	Қанағатты
С	2,0	65-69
С -	1,67	60-64
D +	1,33	55-59
D	1,0	50-54
F	0	0-49	Қанағатсыз

1.10. Студенттердің міндеттері, курстың саясаты мен процедурасы
Лекцияларға және семинарларға қатысу міндетті болып табылады. СОӨЖ-ға қатысу студенттің дайындық деңгейімен анықталады.
Heгізгі талаптар:
Сабаққа кешікпеу
Сабақтарды себепсіз босатпау
Оқу процесіне белсенді қатынасу
Сабақ кезінде сөйлеспеу, газет, журналдарды оқымау
Ұялы телефонды қолданбау
Берілген тапсырмаларды уақытында орындау
Сабаққа қатыспағанда, жазба жұмыстарды кідірткен жағдайда, телефонды қолданып тәртіпті бұзғанда айып балл (-10) қолданылады.


2. Пәннің оқу-әдістемелік материалдары


2.1 Дәрістер тезистері:

1. 
   Қазақ мәдениетінің тарихы, оның пәні мен қоғамдық маңызы.
   

1 – лекция. Қазақ мәдениетінің бастаулары.

Қазақтар – Қазақстан Республикасының негізгі тұрғындары, әлемдегі жалпы саны 13 млн-нан асады, исламдық суперөркениеттің солтүстік шығыс жағын мекендейді, діні жағынан ханифиттік мағынадағы мұсылман суниттер, Алтай тіл бірлестігінің түрік тобының қыпшақ топтамасына жатады. Бұл мәдениетті түсіну мақсатында алдымен оны кеңістік өрісі мен уақыт ағымында қарастырып, кейін қазақ мәдениетінің типтік ерекшеліктерін анықтайық. Қазақ мәдениеті еуразиялық Ұлы дала көшпелілерінің мұрагері болып табылады. Сондықтан осы ұлттық мәдениетті талдауды номадалық (көшпелілік) өркениет ерекшеліктерінен бастайық.

Әрбір ұлттық мәдениет бос кеңістікте емес, адамдандырылған қоршаған ортада әрекет етеді. Мәдени кеңістік оқшау, мәңгіге берілген енші емес. Ол тарихи ағынның өрісі болып табылады. Мәдени кеңістіктің маңызды қасиеті – оның тылсымдық сипаты. Мысалы, “ата қоныс” ұғымы көшпелілер үшін қасиетті, ол өз жерінің тұтастығының кепілі және көршілес жатқан мекендерге де қол сұғуға болмайтытдығын мойындайды. Қауымдық қатынас мекендер егемендігінен туады. Ата қоныстың әрбір жағрафиялық белгілері халық санасында киелі жерлер деп есептелінеді, яғни қоршаған орта киелі таулардан, өзен-көлдерден, аңғарлар мен төбелерден, аруақтар жататын молалардан т.б. тұрады. Олардың қасиеттілігі аңыз-әпсаналарда, жырлар мен көсемсөздерде болашақ ұрпақтарға мұра ретінде қалдырылған.
Белгілі бір парасаттылық, ізгілік, ұстамдылық, интуициялық жоғары қабілеттері жоқ адамдар қатал далада өмір сүре алмас еді. Кеңістікте үйлесімді мәдениетте адам мен табиғаттың арасында “қытай қорғаны” тұрған жоқ. Керісінше, мәдениет олардың арасындағы нәзік үндестікті (гармонияны) білдіретін дәнекер қызметін атқарады. Қазақтың төл мәдениетінде экололгиялық мәселе әдептіліктік жүйесіндігі обал және сауап деген ұғымдармен тікелей байланыстырылды.
Табиғат аясындағы мәдениетті қатып-семіп қалған, өзгеріссіз әлем дейтін пікірлер де әдебиетте жиі кездеседі. Алайда, бұл осы мәдениетке тынымсыз қозғалыс тән екендігін аңғармаудан туады. Шексіз далада бір орында тоқталып қалу көшпелілік тіршілікке сәйкес келмейді. Ол мезгілдік, вегитациялық заңдылықтарға бағынып, қозғалыс шеңберінен шықпайды. Әрине бұл қозғалыс негізінен қайталанбалы, тұрақты сипатта болады. Қуаң даланы игеру табиғатты өзгертуге емес, қайта оның ажырамас бір бөлігіне айналуға бағытталған. Яғни, адам табиғат құбылыстарына тәуелді болып қалады.
Шексіз даланы игеру оны жай ғана кеңістік, жазықтық деп түсінбей, осы даланы тұтас бір континуим ретінде бағалаумен қатысты. XX ғ. қалыптасқан этникалық аумақтар мен жағрафиялық ұғымдардың және көшпелілер өркениеті шарықтап тұрған кездегі ата-мекен түсінігінің арасында үлкен айырмашылық бар.