Ayni kunlarda Matematika fakultetida 1701 nafar talaba taxsil oladi, ulardan 850 nafari talaba-qizlarligini aytib o’tish lozim

Hurmatli ota-onalar! Siz dunyodagi eng baxtli insonlardan birisiz! Boisi, sizni farzandingiz Namangandagi eng otaxon, nufuzi baland oliygohda taxsil olyapti. Barchangizga ma’lum Matematika fakulteti shu universitet tashkil topgandan buyon mavjud. Bugungi kunda Matematika fakultetida 65 nafar professor-o’qituvchi talabalarga bilim berib kelishyapti. Ulardan 5 nafari fan doktori, 13 nafari fan nomzodlari ekanligi professor-o’qituvchilarni yuksak salohoiyatidan darak beradi.
Ayni kunlarda Matematika fakultetida 1701 nafar talaba taxsil oladi, ulardan 850 nafari talaba-qizlarligini aytib o’tish lozim.
Matematika fakultetida 2021-2022 o’quv yili davomida talabalarni rag’batlantirish, ularga keng imkoniyatlar yaratib berish bo’yicha salmoqli ishlar tashkil qilindi. Misol uchun, o’quv yili davomida 12 nafar talabani kontrakti universitet va xomiylar tomonidan to’lab berildi. Bundan tashqari o’quv yili davomida o’zini faolligi bilan ajralib turgan, turli yutuqlarga erishgan, ijtimoiy himoyaga muxtoj 237 nafar talabalarga bir martalik 517 000 so’mdan rag’batlantirildi. Ushbu o’quv yilidan boshlab yo’lga qo’yilgan ijara pulini 50%ini to’lab berish bo’yicha o’quv yili davomida 164 nafar talabani ijara pulini 50%i to’lab berildi.
Talabalarni bo’sh vaqtini unumli o’tkazish bo’yicha ham salmoqli ishlar amalga oshirildi. Yil davomida amalga oshirilgan ishlarni barchasini aytadigan bo’lsam qolganlarga so’z navbati yetib kelmasligi mumkin. Lekin shunday bo’lsada e’tirof qilmasak bo’lmaydiganlarini aytib o’taman. Birinchi navbatda Matematika fakulteti qoshida talabalarga IT soxasini o’rgatadigan media markaz tashkil qilindi. U yerda talabalarga kompyuter grafikasi dasturlarini bepul o’rgatib kelinmoqda. Ushbu media markazni bitiruvchilarini ish bilan ta’minlash maqsadida Redmark mediagroup MCHJ tashkil qilindi. Bundan tashqari, Respublikada yagona, ta’limga oid birinchi onlayn radio tashkil qilindi. Ushbu radio Matematika fakulteti dekan o’rinbosari J.Isroilov boshchiligida talabalar bilan birgalikda 24 soat faoliyat yuritib kelmoqda. Fakultet binosini 2-qavat foyesini talabalarni darsdan bo’sh vaqtlarida o’z ustida ishlashlari uchun ARM tashkil qilindi. Matematika fakulteti talabalari uchun talabalar turar joyida “Open air”, “Sportni sev, sog’lom yasha” shiori ostida mega festivallar tashkil qilib berildi.