Axborotlarni himoyalashning texnik va dasturiy vositalari

3. Dasturlarni oʻzgartirishlardan himoyalash va butunlikning nazorati.

Kompyter viruslari va boshqa dasturlari ta’siridan va oʻzgartirishlardan himoyalanish, kompyuter tizimlarida axborotlarni qayta ishlash jarayonini humoyalashning mustaqil yoʻnalishlaridan hisoblanadi. Ushbu xavfga yetarlicha baho bermaslik foydalanuvchilarning axborotlari uchun jiddiy salbiy oqibatlarni keltirib chiqarishi mumkin. Viruslarning ta’sir mexanizmlarini, ularga qarshi kurash usullari va vositalarini bilish viruslanishga qarshi harakatlarni samarali tashkil etish, ularning ta’siridan zararlanish ehtimolligini va talofatlarni minimumga keltirish imkonini beradi.

Kompyuter viruslari - bu KTda tarqalish va oʻzini oʻzi ishlab chiqish xususiyatiga ega boʻlgan kichik hajmdagi bajariluvchi dasturlar. Virislar KTda saqlanayotgan dasturiy vositalar yoki ma’lumotlarni yoʻq qilishi yoki oʻchirib yuborishi mumkin. Tarqalish jarayonida viruslar oʻzini modifikatsiyalashi mumkin.

Viruslarning ommaviy tarqalib ketishi va ularning KT resurslariga ta’siri oqibatlarining jiddiyligi, maxsus antivirus vositalarini va ularni qoʻllash usullarini yaratish va foydalanish zaruriyatini keltirib chiqardi. Antivirus vositalari quyidagi masalalarni hal etish uchun qoʻllaniladi: - KTda viruslarni topish:

-virus dasturlar ishini blokirovka qihsh;

- viruslar ta’sirining oqibatlarini bartaraf qilish.

Viruslarni topishni, ularni joylashib olish bosqichida yoki hech boʻlmaganda virusning buzgʻunchilik funksiyalarini boshlagunga qadar amalga oslurgan maqsadga muvofiq. Shuni ta’kidlash joizki, barcha turdagi viruslarni topishni kafolatlovchi antivirus vositalar mavjud emas.