Axborot texnologiyalari va kommunikatsiyalarini rivojlantirish vazirligi muhammad al-xorazmiy nomidagi tatu urganch filiali axborot xati

	“AXBOROT TEXNOLOGIYALARI, TARMOQLAR VA TELKOMMUNIKATSIYALAR” ITNT-2022 XALQARO ILMIY-AMALIY KONFERENSIYASI
O‘ZBEKISTON RESPUBLIKASI OLIY VA O‘RTA MAXSUS TA’LIM VAZIRLIGI O‘ZBEKISTON RESPUBLIKASI AXBOROT TEXNOLOGIYALARI VA KOMMUNIKATSIYALARINI RIVOJLANTIRISH VAZIRLIGI MUHAMMAD AL-XORAZMIY NOMIDAGI TATU URGANCH FILIALI AXBOROT XATI 2022 yil 29-30 aprel kunlari “Axborot texnologiyalari, tarmoqlar va telkommunikatsiyalar” xalqaro ilmiy-amaliy konferensiyasi o‘tkaziladi. Tashkiliy qo‘mita manzili: Muhammad al-Xorazmiy nomidagi TATU Urganch filiali, Urganch shahar Al-Xorazmiy ko‘chasi 110 uy. Tel: [phone] Konferensiya sayti: https://conference.ubtuit.uz/ MUROJAAT UCHUN TELEFONLAR: 998972116496 M.Masharipov E-mail: [e-mail] PUL O‘TKAZMALARI MANZILI O‘zbekiston Respublikasi Moliya vazirligi Yagona G‘aznachiligi sh/h 400910860334017094100078002 STIR 205767452 OKONX 92110 Moliya Vazirligi G‘aznachiligi G‘azna h/v 23402000300100001010 Bankning nomi: Markaziy bank Toshkent shahar XKKM MFO 00014 STIR 201122919	Sizlarni Muhammad al-Xorazmiy nomidagi TATU Urganch filialida O‘zbekiston Respublikasi Oliy va o‘rta maxsus ta’lim vazirligi, O‘zbekiston Respublikasi Axborot texnologiyalari va kommunikatsiyalarini rivojlantirish vazirligi bilan hamkorlikdagi 2022 yilning 29-30 aprel kunlari bo‘lib o‘tadigan “Axborot texnologiyalari, tarmoqlar va telkommunikatsiyalar” - ITNT-2022 mavzusidagi respublika ilmiy-amaliy anjumaniga taklif qilamiz. Ushbu anjuman quyidagi sho‘balar bo‘yicha ish olib boradi: 1. Telekommunikatsiya tizimlari va tarmoqlarini rivojlantirishning dolzarb masalalar va yechimlari. 2. Raqamli texnologiyalarni ijtimoiy-iqtisodiy sohalarda qo‘llashning zamonaviy tendensiyalari va dolzarb muammolari. 3. IoT texnologiyasi, katta hajmli ma’lumotlar va ularni qayta ishlash uchun mashinali o‘qitish texnologiyalari. 4. Axborot xavfsizligini ta’minlashning zamonaviy muammolari va yechimlari. 5. Ta’limda zamonaviy axborot texnologiyalari. Mazkur konferensiyada ishtirok etishni istagan professor-o‘qituvchilar hamda tadqiqotchilar o‘z ilmiy izlanishlari natijasida tayyorlagan ilmiy maqolalarini yuqorida ko‘rsatilgan sho‘balar yo‘nalishlari bo‘yicha o‘zbek, rus, ingliz tillarida taqdim etishlari mumkin Maqolani tayyorlashga qo‘yiladigan talablar: Maqola 5 betdan ko‘p bo‘lmasligi va 1,5 intervalda (chapdan 2,5 sm, yuqoridan va pastdan 2 sm, o‘ng tomondan 1,5 sm, varaq bichimi A4 formatda, 210x297mm), Microsoft Word muharririda, matnlar Times New Roman, 14 o‘lchamli shriftda bo‘lishi talab etiladi. Mavzu bosh harflarda qoraytirilib, varaqning o‘rtasiga yoziladi, keyingi qatorlarga muallifning ismi-sharifi, ilmiy darajasi yoki ilmiy unvoni, ish joyi qavs ichida, kursiv holatda yoziladi, konferensiya sho‘basi, telefon raqami yoki elektron pochta manzili ko‘rsatiladi, maqola annotatsiyasi maqola matnidan oldin berilishi lozim, annotatsiyadan so‘ng kamida 5-7 ta kalit so‘z keltirilishi shart; maqola matni kalit so‘zlardan keyin ikki interval pastdan berilishi kerak, faylni nomlashda sho‘ba raqami va muallif familiyasi yoziladi. (Masalan: 1.Samandarov.doc) Maqoladagi ma’lumotlar va faktlarning to‘g‘riligiga mualliflar mas’uldir. Maqolada albatta jadval (chizma yoki rasm)lar manbalari aniq ko‘rsatilishi, qisqartma so‘zlarga izoh berilishi lozim. Maqola ichidagi havolalar “[1]” kabi tartibda belgilanadi. Maqola so‘ngida foydalanilgan adabiyotlar foydalanish ketma-ketligi bo‘yicha yozilishi kerak. Yuqoridagi talablarga javob bermaydigan maqolalar tashkiliy qo‘mita tomonidan ko‘rib chiqilmaydi va to‘plamga kiritilmaydi. Konferensiya to‘plamiga kiritilgan maqolalar google scholar bazasida indekslanadi. Taqdim etilgan maqola qabul qilingandan so‘ng, har bir maqola uchun 50 000 so‘m tashkiliy yig‘im to‘lanadi. Anjumanga materiallar o‘zbek, rus yoki ingliz tilida elektron variantda 2022 yil 24 aprelga qadar qabul qilinadi. Maqolalar [e-mail] elektron manziliga yuborilishi kerak.