Axborot texnologiyalari va kommunikastsiyalarini rivojlantirish vazirligi muhammad al- xorazimiy nomidagi toshkent axborot texnologiyalari universiteti

range() funksiyasi

Shuningdek range() funksiyasi yordamida raqamlar ketma-ketligini generatsiya qilishimiz mumkin. range(10) funksiyasi 0 dan 9 gacha(jami 10 ta son) boʻlgan raqamlarni generatsiya qiladi. Bu funksiyaga range(start, stop, stepsize) koʻrinishida boshlanish, toʻxtash nuqtasini hamda qadamni belgilashimiz mumkin. stepsize yozilmagan boʻlsa, standart tartibda 1ga teng boʻladi. stepsize har bir raqamdan soʻng nechta raqam oʻtkazib yuborilishi kerakligini ifodalaydi.

range obyekti mohiyatan “yalqov” hisoblanadi, chunki u unga yozilgan raqamlarning har birini generatsiya qilmaydi. Ammo, u iterator emasligi tufayli in, len hamda __getitem__ kabi operatsiyalarni qoʻllab-quvvatlaydi.

Bu funksiya barcha qiymatlarni xotirada saqlamaydi; agar unday boʻlganda, samaradorlik boʻlmagan boʻlar edi. U boshlanish, toʻxtash va qadam hajmini yodda saqlaydi hamda shunga tayanib keying raqamni generatsiya qiladi. Bu funksiya orqali barcha elementlarni chiqarmoqchi boʻlsangiz,list()

funksiyasidan foydalanishingiz mumkin. Quyidagi namuna buni qanday ishlashini tushuntirib beradi:

print(range(10))
print(list(range(10)))
print(list(range(2, 8)))

print(list(range(2, 20, 3)))

Natija quyidagicha boʻladi:

range(0, 10)

[0, 1, 2, 3, 4, 5, 6, 7, 8, 9]

[2, 3, 4, 5, 6, 7]

[2, 5, 8, 11, 14, 17]

Raqamlar ketma-ketligini iteratsiya qilish uchun for siklida range() funksiyasidan foydalanishimiz mumkin. U har bir ketma-ketlikni indekslash orqali iteratsiya qilish uchun len() funksiyasi bilan birga yoziladi. Namuna orqali tushunib olishingiz mumkin:

# Indekslash orqali roʻyxatni iteratsiya qilish dasturi

genre = ['pop', 'rock', 'jazz']

# indeks orqali roʻyxat boʻyicha iteratsiya qilish

for i in range(len(genre)):

print("I like", genre[i])

# Natija:

I like pop

I like rock

I like jazz