Axborot murabbiylik soati Mavzu;Huquqiy davlat qaror topishining muhim yo’nalishi (Inson huquqlari Umumjahon deklarasiyasi elon qilingan kun 1948 yil 10-dekabirga bag’ishlanadi) Madhiyam- davlatim ramzi

Tashkiliy tuzilma va moliya manbalari

YuNISEFning asosiy faoliyati 192 mamlakat va hududlarda amalga oshiriladi. Uning 150 dan ortiq filiali, bosh qarorgohi va boshqa vakolatxonalari, shuningdek, 34 ta milliy qo‘mita tarmog‘i bor. YuNISEF missiyasini qabul qiluvchi davlatlar bilan hamkorlikda ishlab chiqilgan dasturlarni amalga oshiradi. Yetti mintaqaviy ofis esa turli mamlakatlardagi ofislarga kerak bo‘lganda texnik yordam ko‘rsatadi. YuNISEF hukumatlar va homiylar hissasi asosida ishlaydi. Hukumatlar tashkilot ehtiyojlarining uchdan ikki qismini ta’minlasa, qolgan qismini milliy qo‘mitalar orqali xususiy guruhlar va shaxslar beradi. YuNISEF daromadining taxminan 92 foizi dasturiy xizmatlarga ajratilgan. YuNISEF dasturlari bolalar salomatligi va farovonligini oshirishga qaratilgan xizmatlarni rivojlantirishga yo‘naltirilgan. YuNISEF 1965-yilda tinchlik bo‘yicha Nobel mukofotiga, 1989-yilda Indira Gandi mukofotiga, 2006-yilda Asturias shahzodasi mukofotiga sazovor bo‘lgan.

YuNISEF ta’minot ofisi Kopengagenda joylashgan. Vaksinalar, OIVga chalingan bolalar va onalarga antiretrovirus dorilar, oziq-ovqat qo‘shimchalari, favqulodda holatlar uchun uylar qurish va oilalarni birlashtirish, o‘quv materiallari kabi muhim vositalarni tarqatishda asosiy o‘rinni egallaydi. 36 kishilik ijroiya kengashi tashkilot siyosatini belgilaydi, dasturlarni tasdiqlaydi, ma’muriy va moliyaviy rejalarni nazorat qiladi. Ijroiya kengashi BMTning iqtisodiy va ijtimoiy kengashi tomonidan uch yillik muddatga saylanadigan hukumat vakillaridan iborat bo‘ladi.