|
Bitiruv ishining dolzarbligi: Ma’lumki, har qanday davlatning axborot resurslari uning iqtisodiy va harbiy salohiyatini belgilovchi omillaridan biri hisoblanadi. Ushbu resursdan samarali foydalanish mamlakat xavfsizligini va demokratik axborotlashgan jamiyatni muvaffaqiyatli shakllantirilishini ta’minlaydi. Bunday jamiyatda, axborot almashinuv tezligi yuksaladi, axborotlarni yig‘ish, saqlash, qayta ishlash va ulardan foydalanish bo‘yicha ilg‘or axborot-kommunikatsiya texnologiyalarini qo‘llash keng ko‘lamda amalga oshiriladi.
Hozirda “axborot tushunchasi” sotib olish, sotish, biror boshqa tovarga almashtirish mumkin bo’lgan maxsus tovar belgisi sifatida tez-tez ishlatilmoqda. Shu bilan birga axborotning bahosi ko‘p xollarda uning o’zi joylashgan kompyuter tizimining bahosida bir necha yuz va ming barobarga oshib ketmoqda. Shuning uchun tamomila tabiiy xolda axborotni unga ruxsat etilmagan xolda kirishdan, kasddan o‘zgartirishdan, uni o‘g‘irlashdan, yo‘qotishdan va boshqa jinoiy xarakterlardan ximoya qilishga kuchli zarurat tug‘iladi. Ma’lumki, axborotlashgan jamiyat tezlik bilan shakllanib bormoqda. Axborot dunyosida davlat chegaralari degan tushuncha yo‘qolib bormoqda. Jahon kompyuter tarmog‘i davlat boshqaruvini tubdan o‘zgartirmoqda. Hududiy joylashishidan qat’iy nazar, kundalik hayotimizga turli xildagi axborotlar Internet xalqaro kompyuter tarmog‘i orqali kirib keldi. Shuning uchun ham mavjud axborotlarga noqonuniy kirish, ulardan foydalanish va o‘zgartirish, yo‘qotish kabi muammolardan himoya qilish dolzarb masala bo‘lib qoldi.
AKT ta’lim yo‘nalishining 3- va 4-bosqich talabalariga o‘tiladigan “Axborot-kommunikatsiya texnologiyalariga bo‘ladigan tahdidlar” mavzusida CourseLab dasturida multimediali resurslar yaratish mavzusida ma’lumotlarni yig‘ish va daturiy ta’minotlar foydalanib elektron uslubiy majmua shaklga keltirish. Tarmoq orqali va foydalanuvchilarga qulay dizayn va shaklga keltirish.
Bugungi ta’lim jarayonini ayniqsa mustaqil ta’limga bo‘layotgan e’tibor ushbu fanga oid yangi elektron ta’lim resurslarini, jumladan zamonaviy talablarga javob bera oladigan virtual muxitni yaratishni taqozo etadi.
Hozirgi kunda ta’lim olayotgan yoshlar Respublikamizning kelajagidir. Bu sharafli vazifani bajarish o’qituvchilar zimmasiga tushadi. Shu sababli yuksak malakali o’qituvchilar tayyorlash va ularning malakasini oshirish masalalariga katta e’tibor qaratilayapti. Hozirgi paytda ta’lim tizimini takomillashtirish orqali har tomonlama yetuk, barkamol, mustaqil fikrlashga qodir, irodali, fidoiy va tashabbuskor kadrlarni tayyorlashga katta e’tibor berilmoqda. Bu borada ta’lim turlari to’g’risidagi mutlaqo yangi qoidalar hayotga joriy etildi.
Kadrlar tayyorlash va uzluksiz ta’lim tizimini isloh qilishning huquqiy – me’yoriy asosi yaratildi. «Ta’lim to’g’risidagi» va «Kadrlar tayyorlash milliy dasturi» qonunlari uzluksiz ta’lim tizimida yuqori malakali kadrlarni tayyorlash, ularda ilmiy dunyoqarashni, mehnatga ijodiy munosabatni tarkib toptirish, ularda yuksak mehnat intizomini shakllantirish vazifasini qo’yadi. Rivojlangan davlatlar safidan o’rin olishni o’z oldiga maqsad qilib qo’ygan O’zbekistonimiz, xalq xo’jaligining barcha tarmoqlari kabi ta’lim sohasida ham ilg’or texnologiyalarni joriy etish va shu orqali ta’lim mazmunini jahon andozalari darajasiga olib chiqishga, jamiyatida munosib o’rinni egallashga harakat qilmoqda. Ushbu maqsadlarga erishish uchun mamlakatimizda iqtisodiyotning, ijtimoiy hayotning real talablaridan kelib chiqqan holda, yurtimizda oliy ta’lim tizimini modernizatsiya qilish, unga o’qitishning zamonaviy shakl va texnologiyalarini joriy etish, mutaxassislar tayyorlash bo’yicha ixtisoslik yo’nalishlarni takomillashtirish borasida katta ishlar qilindi.
Zamonaviy bilimlar sari yangicha yo’llarni o’rganish, ta’lim olish jarayonini takomillashtirishda zamonaviy axborot texnologiyalaridan unumli foydalanish – bugungi kunning haqli ravishdagi talabiga aylandi. Bugungi kunda mamlakatimizda axborotlashtirish va ta’limda axborot-kommunikatsion texnologiyalarni qo’llash muammolariga alohida e’tibor qaratilmoqda. Jumladan, «Ta’lim to’g’risida»gi Qonun, Kadrlar tayyorlash milliy dasturi, «Axborotlashtirish to’g’risida»gi Qonun, O’zbekiston Respublikasi Vazirlar Mahkamasi huzuridagi Kompyuterlashtirish va axborot-kommunikatsiya texnologiyalarini rivojlantirish bo’yicha muvofiqlashtiruvchi kengashning qarorlari, «Internetning xalqaro axborot tizimlariga keng kirib borishini ta’minlash dasturini ishlab chiqishni tashkil etish chora–tadbirlari to’g’risida»gi qarori, shuningdek, «O’zbekiston Respublikasining Milliy axborot-kommunikatsiya tizimini yanada rivojlantirish chora-tadbirlari to’g’risida»gi qarori hamda ushbu hujjat bilan tasdiqlangan 2013-2020 yillarda O’zbekiston Respublikasining Milliy axborot-kommunikatsiya tizimini rivojlantirish dastur doirasida Respublika oliy ta’lim muassasalarida axborot texnologiyalarini ta’lim jarayonida qo’llashni yangi usul va vositalar yordamida tashkil etish ularni o’quv-tarbiya jarayonida qo’llashga qaratilgan tadbirlar, ta’limni isloh qilish bo’yicha nufuzli loyixalar, ilmiy tadqiqotlar olib borilmoqda.
Do'stlaringiz bilan baham: |
