Axborot kommunikatsion texnologiyalar

6.4§ Wi-Fi tarmoqlarining xavfsizligini ta’minlash 
 
Wi-Fi  (simsiz  tarmoqlar)  dan  foydalanish  bugungi  kunga  kelib 
ommalashganini  e’tiborga  olgan  holda,  Wi-Fi  tarmoqlarining  himoyasini 
ta’minlashdagi dastlabki maslahatlarni quyida keltirib o‘tamiz. 
Wi-Fi  (simsiz  tarmoqlar)  dan  foydalanish  bugungi  kunga  kelib 
ommalashganini  e’tiborga  olgan  holda,  Wi-Fi  tarmoqlarining  himoyasini 
ta’minlashdagi  dastlabki  maslahatlarni  quyida  keltirib  o‘tamiz.  Wi-Fi  tarmoqni 
yaratishda mazkur 5 ta maslahatlarga e’tibor qilinsa maqsadga muvofiq bo‘ladi. 
1. Tarmoq nomi (SSID)ni translyatsiyasini o‘chirish. Tarmoq nomi (SSID)ni 
yashirish sizning tarmog‘ingizga ulanib ko‘rishga urinishlarni keskin kamaytiradi. 
Chunki  tarmoqqa  ulanish  uchun  talab  qilinadigan  paroldan  tashqari  tarmoq  SSID 
sini  ham  kiritish  talab  qilinadi.  SSID  ni  yashirib  qo‘yish  uchun  Wi-Fi  routeri 
sozlamalaridan 
Скрыть  SSID/Hide  SSID
  tanlanadi.  Shuningdek,  SSID  nomini 
tanlashda ham murakkablikka e’tibor berish kerak. 
2.  Murakkab  kalit  so‘z.  Ulanish  nuqtasi  yaratilayotgan  paytda  kalit  so‘znig 
o‘rnatilishi  va  murakkab  bo‘lishini  ta’minlash  shart.  Chunki  kalit  so‘zning 
murakkabligi  buzg‘unchi  tomondan  ushlab  olingan  shifrlangan  kalitni 
deshifrlashda qiyinchiliklarni keltirib chiqaradi. Bundan tashqari, vaqti-vaqti bilan 
kalit so‘zni o‘zgartirib turish kerak. 
3. Ulanuvchi uskunalar filtratsiyasi.Tarmog‘ingizni himoyalashning yana bir 
muhim  usullaridan  biri  tarmoqqa  ulanishi  mumkin  bo‘lgan  uskunalarning 

---

128 
identifikatsion  fizik  manzil  (MAC-adres)larini  tarmoqqa  ruxsat  etilgan  uskunalar 
ro‘yxatiga qo‘shib qo‘yish va ushbu turdagi filtrlashni marshrutizator sozlamasidan 
yoki  dasturiy  ta’minotdan  aktivlashtirib  qo‘yishdir.  Bunda  tarmoqqa  ulangan 
uskuna fizik manzili ro‘yxatda bo‘lmasa, SSID va kalit so‘z to‘g‘ri kiritilsa ham, 
mazkur uskuna tarmoqqa ulana olmaydi. 
4.  Marshrutizatorga  ulanish.  Qo‘shimcha  tarzda  marshrutizatorga  ulanish 
standart  kalit  so‘zini  o‘zgartirish  lozim.  Wi-Fi  ulanish  metodlarini  uskuna 
imkoniyatlaridan  kelib  chiqqan  holda  oxirgi  versiyasiga  o‘zgartirish  (masalan 
WPA2)  hamda,  WPS  ulanish  rejimini  o‘chirib  qo‘yish  kerak.  Chunki  WPS 
rejimidagi  ulanishlarni  buzish  xavfi  yuqori  hisoblanadi.  Marshrutizatorning  fizik 
joylashishiga  ham  e’tibor  qaratish  lozim  va  iloji  boricha  jismoniy  himoyalangan 
joylarga o‘rnatish tavsiya qilinadi. 
5.  Monitoring.Tarmoqni  har  doim  nazorat  qilib  borish  zarur.  Ulangan 
foydalanuvchilar, o‘rnatilgan sozlamalar (kalit so‘zlar, filtrlovchi ro‘yxatlar va b.) 
hamisha  tarmoq  administratori  nazoratida  bo‘lishi  kerak.  Qo‘shimcha  dasturiy 
vositalar  orqali  real  vaqtda  tarmoqqa  ulanuvchilarning  nazoratini  ham  o‘rnatish 
mumkin.  Bundan  tashqari  marshrutizatorning  turiga  qarab  mavjud  qo‘shimcha 
sozlamalarni  o‘rnatish,  masalan  tarmoqlararo  ekranni  aktivlashtirish  maqsadga 
muvofiq. Bu sozlamalar ham tarmoq xavfsizligini oshiradi.