Axborot jamiyati va unda sun`iy intellektning o`rni

Maktablarda “Axborot jamiyati va unda sun`iy intellektning o`rni”mavzusida maktablarda o`tiladigan ochiq darslar uchun
TUSHUNTIRISH XATI
O'zbekiston Respublikasi Prezidentining 2021 yil 17 fevraldagi PQ-4996-son qarori 1-ilovasi bilan tasdiqlangan “2021-2022 yillarda sun'iy intellekt texnologiyalarini o'rganish va joriy etish bo'yicha chora-tadbirlar dasturi” 10.2-bandida “Umumta'lim maktablari o'quvchilari uchun (5-sinf va undan yuqori) “Axborot jamiyati va unda sun'iy intellektning o'rni” mavzusida bir yilda kamida ikki marotaba ochiq darslar tashkil etish” vazifasi belgilangan
Ushbu darslar mazkur 2021-2022-o`quv yili 1-apreldan boshlab har bir maktab o`z imkoniyatidan kelib chiqqan xolda o`tkazadi.
2022-2023-o`quv yilidan har bir o`quv yili uchun kamida ikki marta muntazam o`tkazib boriladi.
Darslarni o`tkazilishiga tuman Xalq ta`limi bo`limi mudiri o`z nazoratiga oladi.
Ochiq darslarni maktab informatika va axborot texnologiyalari o`qituvchilari o`tadi.
Ochiq darslar bir yoki bir vaqtda bir nechta sinflarni umumiy zalga, o`quvchilar o`tirishiga sharoit yaratilgan xolda o`tish mumkin.
Ochiq darslarga xududlardagi shu sohaga doir tajribali ustozlarini va mazkur sohaga aloqador soha vakillarini taklif qilgan xolda master klasslar orqali o`tish ham mumkin.
Darslar 45 daqiqa davomiyligida, informatika darsi ish rejasiga qo`shimcha kiritiladi va alohida mavzu sifatida o`tiladi, o`quvchilar mavzuga erkin qatnashishi uchun ushbu mavzuga baho qo`yilmaydi. Shu kungi informatika dars mavzusi keyingi darslarga tig`izlashtirib o`tilgan xolda yoziladi, bahosi o`sha dars bo`yicha qo`yiladi.
Darslar ko`rgazmali qurollar va AKT vositalari bilan interaktiv usullar va metodlarda, savol-javob, turli loyihalar bilan, o`quvchilarning faolligini oshirgan xolda ijodiy yondashib o`tiladi.
Ochiq darslarga fan o`qituvchilarni tahlilga taklif etish ham mumkin.