Axborot – manbalari va taqdim etilish shaklidan qat’i nazar shaxslar, predmetlar, faktlar, voqealar, hodisalar va jarayonlar to‘g‘risidagi ma’lumotlar. Axborot resurslari

Axborotni kodlash - axborotlarni to‘plash, saqlash, qayta ishlashni osonlashtirish maqsadida ular bir xil shaklga keltirish.
Virtual stend - nazariy bilimlarini mustahkamlash, kompyuter dastur va texnologiyalari orqali ma’lum yo‘nalishda
zaruriy ko‘nikmalarni hosil qilish.


Informatika - axborot xususiyatlari va uni taqdim etish, to‘plash, avtomatik ishlov berish va uzatish usullarini o‘rganuvchi ilmiy yo‘nalish. Informatikaga hisoblash texnikasini yaratish va undan foydalanish bilan bog‘liq bo‘lgan turli masalalar bilan shug‘ullanuvchi fanlar guruhi kiradi: amaliy matematika, dasturlash, sun’iy tafakkur, kompyuter arxitekturasi, hisoblash tarmoqlari va h.k.
Monitor - Kompyuterning tashqi qurilmasi, displeyning asosiy tarkibiy qismlaridan biri. Monitor tizimda ro‘y berayotgan jarayonlarning ekranda aks ettirilishini ta’minlaydi. Monitor ba’zan displey deb ham ataladi. Monitorlar yaratilish texnologiyasi ekran hajmi, ajrata olish qobiliyati bilan farq qiladi.
Operatsion tizimda – vazifalar bajarilishi, jumladan, dasturlarning kiritilishi va chiqarilishini boshqaruvchi dastur.
Klaviatura - muayyan qurilmani boshqarish yoki axborotni kiritish uchun mo‘ljallangan tugmalar (klavishalar) to‘plamidan iborat bo‘lgan qurilma yoki ekrandagi tasvir. Texnik va mexanik qurilmalarni (kalkulyator, kompyuter, telefon, kassa apparati) boshqarish uchun alifbo- raqamli klaviaturalar qo‘llaniladi. Klaviaturalardagi har bir tugmaga bir yoki bir necha belgi biriktiriladi. Tugma birikmalari klaviaturadan bajariladigan amallarning sonini ko‘paytirishga imkon beradi. Standart desktop kompyuter klaviaturasi (PC/AT klaviaturasi deyiladi). 100 dan ko‘p tugmadan iborat bo‘lib, ular yagona qabul qilingan sxema bo‘yicha joylashtiriladi. Zamonaviy kompyuter klaviaturalari kompyuterning ba’zi asosiy funksiyalarini boshqarish uchun qo‘shimcha tugmalar bilan jihozlanadi. Bunday klaviaturalar multimedia klaviaturalari deyiladi.
Sichqoncha – foydalanuvchi tomonidan yassi yuzada harakatlantirilganda kursor koordinatalarining Joylashishini belgilovchi va ekranda koordinatalarni ko‘rsatish uchun mo‘ljallangan qurilma. “Sichqoncha” atamasi ushbu qurilma shaklidan kelib chiqqan – odatda u kirish uyasiga sichqon dumiga o‘xshash maxsus sim orqali ulanadi (simsiz sichqonlar ham mavjud).
Kompyuter - Hisoblarni bajarish, shu jumladan elektron shakldagi axborotni oldindan belgilangan algoritm bo‘yicha qabul qilish, qayta ishlash, saqlash uchun mo‘ljallangan mashina.