Avtotransport vositalarining diagnostikasi

16-Mavzu: Mashinalarning transmissiya agrigatlarni diagnostikalash

Режа:

1. ТВ трансмиссиясини автоматлаштириш вазифалари. Узатмалар қутисини автоматлаштириш, унинг схемалари ва ишлаш принциплари.

2. Дифференциални бошқарув тизимлари. Дифференциални автоматик блокировкалаш тизими.

   

Калит сўзлар: трансмиссия, узатмалар қутиси, дифференциал, электрон бошқариш тизими, схема, автомобил, бензинли, дизел, пуркаш, датчик, микропроцессор
1. ТВ трансмиссиясини автоматлаштириш вазифалари. Электрон бошқарувли автоматик узатмалар қутиси.

Автоматик узатмалар қутиси (қисқартирилган номи АУҚ, кундалик ҳаётдаги номи - автомат-коробка) автомобилнинг автоматик трансмиссияларида ишлатиладиган энг кенг тарқалган буровчи моментни ўзгартириш қурилмаси ҳисобланади. Одатда автоматик деб гидромеханик узатмалар қутисини айтишади.

Автоматик узатмалар қутиси қуйидаги қурилмалардан таркиб топади:

-гидравлик трансформатор;

-механик узатмалар қутиси;

-иш суюқлиги насоси;

-иш суюқлигини совутиш тизими;

-бошқарув тизими.

Олди ғилдираклари етакчи бўлган енгил автомобилларда ўрнатиладиган автомат-коробка конструкциясига асосий узатма ва дифференциал киритилган.

Гидравлик трансформатор двигателдан механик узатмалар қутисига буровчи моментни узатиш ва ўзгартириш учун мўлжалланган. Гидравлик трансформатор конструкцияси ўз таркибига қуйидагиларни олади: насос ғилдираги; турбина ғилдираги; реактор ғилдираги; блокировка муфтаси; эркин юриш муфтаси; гидравлик трансформатор корпуси.