Avtotransport vositalarining diagnostikasi

11.3 Тransport vositsining tortish xususiyatlarini rolikli stendda diagnostikalash

11.3.1 Stendning ishlash tartibi va tavsifi.

Тortish xususiyatlarini belgilovchi 4819M modelli stend quyidagilarni o’lchaydi:

-tezlikni;

-tortish xususiyatlari va g’ildirakdagi quvvatni;

-tezlanish vaqti va tezlanishning kerakli uzatmadagi intervalini;

-dvigatelning optimal sozlanganligini.

6.3.2 Тexnik ma’lumotlar:

1. O’lchash intervali (oralig’i);

-transport vositsining tezligi, kmsoat 10....100

- transport vositsi g’ildiragidagi quvvat(qiska vaqtli rejimda), kVt (o.k) 20....200 (27,2...272)

-tezlanish vaqti, s 0...99,9

-g’ildirakdagi tortish kuchi, kN 2...20

2.Yuklanish beruvchi qurilmaning turi – elektrodinamikli, havo bilan sovutiladigan qurilma.

3.Stend parametrlari:

-bitta rolikka tushadigan maksimal vertikal yuklanish, kN (20)

-rolik diametri, mm (318)

-roliklar o’qlari orasidagi masofa, mm (650)

-roliklar soni, (4)

-pnevmotizimdagi havo bosimi, MPa,(kGssm²) (0,6...1,0(6-10))

-o’rnatilgan quvvat, kVt (6,5)

4.Stendning ishlashi.

Stendning ishlashi harakatning qaytarilish prinsipiga asoslangan. Sinash davrida transport vositsi qo’zg’almas bo’lib, yetaklovchi g’ildiraklar roliklarni aylantiradi. Elektrdinamik yuklovchi qurilma(EYuQ) yetaklovchi g’ildiraklarni yuklantiradi, EYuQga o’rnatilgan kuch o’lchovchi qurilma yuklanish kuchini o’lchaydi (8.1-rasm).


Rasm-8.1. K-485 stendining pnevmokinematik sxemasi.

1- taxogenerator; 2,5,7- muftalar; 3- rama; 4,6,12,16- roliklar; 8- induktorli tormoz; 9- kronshteyn; 10- kuch datchigi; 11- tezlik relesi; 13- avtomobilni ko’tarish maydonchasi, 14- pnevmoko’targich, 15- tormoz kolodkasi, 17-zolotnik, 18-havo yo’naltiruvchi quvur, 19- havo tayyorlagich.

Stend konstruksiyasi bo’yicha bir xil bo’lgan o’ng va chap ikkita rolik blokka ega. Rolik bloklari payvandlangan rama, yetaklovchi va yetaklanuvchi roliklardan,egiluvchan muftadan, ko’targich, yuklamali va sozlash uskunadan iborat.

Тransport vositsi pnevmatik yuritmali ko’targich yordamida g’ildiraklari bilan stend roligiga qo’yilgandan keyin, transport vositsi dvigateli yurgiziladi va transport vositsining yetaklovchi g’ildiraklari stend roliklarini 40 kmsoat tezlikkacha aylantiradi. Тransport vositsi g’ildiraklaridagi aylantiruvchi moment oldingi yetaklovchi rolikka, so’ngra egiluvchan mufta orqali yuklovchi qurilmaga uzatiladi. EYuQga uzatilgan elektr toki teskari aylanuvchi momentni hosil kiladi, bu esa stend boshqarmasidagi pultda qayd etiladi va kuch o’lchovchi qurilmada o’lchanadigan avtomobil tortuvchi g’ildiraklarida yuklanishni hosil kiladi.

Ko’targich. Тransport vositsining rolikli stendga erkin kirishi va chiqishi yetaklovchi va yetaklanuvchi roliklar orasiga o’rnatilgan pnevmatik ko’targich orqali amalga oshiriladi. Ikki tomonlama ko’taruvchi asbob og’irligi 1,6 tonnagacha bo’lgan yukni 0,6 MPa bosim bilan ko’tarish xususiyatiga ega.

Ko’targich boshqaruv pultida joylashgan tumblerlar orqali ishga tushiriladi. Havo taqsimlagichda joylashgan elektromagnit, tumbler orqali ishga tushiriladi va u siqilgan havo oqimini silindrning pastki bo’shlig’iga uzatishni ulaydi (maydonchaning tushirilishi). Maydoncha tushirilayotganda pastki bo’shliqdagi havo taqsimlagich zolotnigi orqali atmosferaga chiqib ketadi. Ko’targichni yuqori holatga keltirayotganda boshqaruv pultidagi qizil chiroq yonadi va ko’targich tushirilayotganda o’chadi.

Yuklanishli qurilma transport vositsi g’ildiraklarining tormozlanishi oqibatida vujudga kelgan EYuQ korpusidagi reaktiv moment, uning korpusiga mustahkamlangan pishang va tortgich yordamida kuch o’lchovchi datchik orqali qabul qilinib, boshqaruv pultiga uzatiladi.

Reaktiv moment bosimli datchik orqali elektr signaliga aylanadi va u mikroampermetrda o’lchanadi.

Boshqaruv pulti. Boshqaruv pulti ajraluvchi paneli, karkas konstruksiyali tuzilishga ega. Stendni boshqarish pultida o’lchash tizimidagi o’lchash apparati, kuzatuv tizimi apparati, signal apparati, elektr tizimini boshqarish apparati mavjud.

11.3.3 Ishni bajarish tartibi

a) transport vositsini diagnostikalashga tayyorlash. Тransport vositsi toza, shinalari quruq, shinalardagi bosim me’yorida bo’lishi kerak.

b) Stendni ishga tayyorlash. Stend barabanlari toza bo’lishi va barcha mexanizmlari ishonchli ishlashi kerak.