Avtotransport vositalarining diagnostikasi

Электрон бошқарувга эга механик узатмалар қутиси

Бундай трансмиссиялар ярим автомат деб ном олган. Спорт автомобилларидан фарқли ўлароқ анъанавий автомобиллар серво юритмаси тез ишлашга эмас равон уланишга созланган, шунинг учун ҳайдовчини ҳато қилишига йўл қўймайди ва илашишнинг хизмат муддатини оширади. Бу ярим-автомат трансмиссиянинг асосий афзаллиги ҳисобланиб, шу билан бирга уни тез ҳайдаш учун яроқсиз қилади. Илашишни автоматлаштириш бўйича ишлардан кейин серво юритма ёрдамида зарур шестернялар жуфтлигини илинтириш - муаммо эмас. Бу ҳолатда танлаш ричаги кўриниши жиҳатидан одатдагидек бўлса-да, аслида жойстикка айланади, яъни унинг ҳаракати машинага ҳайдовчининг нияти ҳақида сигнал бўлиб хизмат қилади. Механик узатмалар қутили трансмиссиялар ҳайдовчи аралашувисиз узатмаларни қачон алмаштиритиш вақтини аниқ белгилайдиган двигател иш режими ҳақидаги маълумотлар, автомобил тезлигини, юкланиши ва бошқа фойдали маълумотлардан фойдаланиш имкони бўлган электрон “мия” га эга бўлгандан кейингина узил-кесил автоматик бўлди. Истеъмолчи учун автоматик трансмиссиялар типлари бўйича ориентир олиш осон бўлиши учун механик “автоматлар” учун янги ном роботлаштирилган узатмалар қутиси ўйлаб топишди 3.3 – расм. Роботлаштирилган узатмалар қутиси механик узатмалар қутисининг ёнилғи сарфига таъсир нуқтаи назаридан самарадорлигини сақлаган ҳолда, унинг асосий афзаллиги бўлган қурилманинг соддалиги ва шу орқали - ишлаб чиқариш, хизмат кўрсатиш ва таъмирлаш ишлари таннархининг камлигини йўқотган.

Шунга ўхшаш АУҚ ларни Audi, BMW, Ford ва бошқа кўплаб автомобил ишлаб чиқарувчилари томонидан ишлаб чиқарилмоқда. " Audi ТТ 3,2 Кватро"да DSG Directschaltgetriebe узатмалар қутиси ўрнатилган, у автоматика ва механик олти-поғонали УҚ нинг афзалликларини бирлаштиради.