Avtomobilsozlik

N a z o r a t s a v o l l a r i

1. 
   Xalqaro standart nima?
   
2. 
   Xalqaro standartlashtirish tashkilotlari qaysilar?
   
3. 
   Xalqaro standartlashtirish tashkilotlarining asosiy maqsadi nimalardan iborat?
   
4. 
   ISO xalqaro tashkiloti haqida nimalarni bilasiz?
   
5. 
   ISO 9000 seriyasidagi standartlarni aytib bering.
   

6-Amaliy mashg’ulot

Mavzu: Mahsulot sifati va sifat boshqaruvi.

Ishdan maqsad: Sifat boshqaruvi tizimini o’rganish.

Ishning mazmuni:

1. 
   Mahsulot sifati haqida tushuncha.
   
2. 
   Sifat boshqaruv sikli.
   
3. 
   Korxonada sifatni boshkarish.
   

Asosiy ma’lumotlar.

1. Mahsulot sifati haqida tushuncha.

Bozor iqtisodiyoti sharoitida ishlab chiqarish korxonalari oldida turgan eng asosiy vazifa-raqobatbardosh mahsulot ishlab chiqarishdir. Shuning uchun ham mahsulot va xizmatlar sifatini yaxshilash bugungi kunning muhim masalalaridan hisoblanadi. Mahsulot va xizmatlar sifatini yaxshilash strategik muammo bo’lib, mamlakatimiz iqtisodiyotining stabillashuvi bu muammolarning hal etishiga bog’liqdir. Sifatni yaxshilash jarayoni mahsulotni sotish yoki xizmatlar ko’rsatishda faqatgina ko’proq foyda olish uchungina emas, balki jamiyat uchun, uning ravnaqi uchun ham zarurdir.

Ma’lum foydalilikka ega bo’lib, sotilish bahosi bilan tannarx o’rta-sidagi farqga ega bo’lgan tovarlar albatta sotilishi kerak. Tovarlarni sotib olar ekanmiz, biz ularni faqatgina zarur bo’lgani uchungina emas, balki bizga yoqqani uchun ham haqini to’laymiz. Bunda tovarlarning tashqi ko’rinishi, foydalanishning qulayligi, xizmat ko’rsatish muddati, texnikaviy tavsifi, kafolatli xizmat ko’rsatish shartlari kabilar ularning bahosini belgilashda muhim omil hisoblanib, xaridor tovarni “ma’lum ehtiyojlarni qondiradi”, degan umid bilan sotib oladi. SHunday qilib tovarni sotilishining muhim shartlari-xaridorning uning kafolatlangan sifatiga ishonch va bahosidir.

Mahsulot sifati deb, mana shu mahsulotga nisbatan qo’yilgan xalq ehtiyoji talablarini qondirilish darajasi, ularning xossa xususiyatlari, tashqi ko’rinishi, ishlatilishining qulayligiga aytiladi.

Sifatni shakllantiruvchi elementlar sifat ko’rsatkichlari deyiladi va turlicha usullar yordamida aniqlanadi.

Mahsulotning texnikaviy tavsifi orqali aniqlanuvchi tovarlar yaroq-liligining asosiy elementlari konstruktsiya sifati deyiladi. Konstruktsiya sifatini takomilashtirilishi bilan uning qiymati ham ortadi.