Автомобиль саноати корхоналарида маркетинг стратегияларини такомиллаштириш

Тадқиқотнинг амалий натижалари қуйидагилардан иборат:
автомобиль саноатида маркетинг стратегияларини жорий этишнинг такомиллашган механизми таклиф этилган;
корхонани ривожлантиришнинг маркетинг стратегиясини ишлаб чиқиш ва амалга ошириш жараёнининг методологик таъминоти таклиф этилган;
қўйилган стратегик мақсадларга эришиш учун чора-тадбирларнинг изчил мажмуини акс эттирувчи автомобиль саноати корхонасини ривожлантиришнинг маркетинг стратегиясини шакллантириш ва амалга ошириш алгоритми ишлаб чиқилган;
автомобиль саноат корхоналарининг маркетинг фаолияти кўрсаткич­лари тизими асосида маркетинг стратегияларини жорий этишга услубий ёндашув таклиф этилган;
автомобиль саноати корхонасида маркетинг стратегиясини танлаш асосида интеграциялашган ахборот тизимининг рақамли маркетинг тузилмаси таклиф этилган;
автомобиль саноати корхоналари рақобатбардошлигини оширишда маркетинг стратегияларидан фойдаланиш имкониятлари белгилаб берилган;
автомобиль саноатида маркетинг стратегияларидан фойдаланиш самарадорлигини баҳолаш мезонлари ишлаб чиқилган.
Тадқиқот натижаларининг ишончлилиги: тадқиқот натижаларининг ишончлилиги уларни таниқли иқтисодчи олимларнинг маркетинг стратегия­сини шакллантириш хусусидаги илмий-назарий қарашларини қиёсий ва танқидий таҳлил қилиш, илғор хориж тажрибасини ўрганиш ва умумлаштириш, ахборотлар базасининг миллий ва халқаро нуфузли ташки­лотларнинг расмий манбаларидан олинганлиги, Ўзбекистон Республикаси Давлат статистика қўмитасининг маълумотлари ҳамда бошқа расман эълон қилинган амалий маълумотлар таҳлилига асосланганлиги билан белгиланади.
Тадқиқот натижаларининг илмий ва амалий аҳамияти. Тадқиқот натижаларининг илмий аҳамияти улардан Ўзбекистон Республикасида автомобиль саноати корхоналарининг маркетинг стратегиясини шакллан­тириш ва такомиллаштиришга бағишланган махсус илмий тадқиқотларни амалга оширишда фойдаланишнинг мумкинлиги билан изоҳланади.
Тадқиқот натижаларининг амалий аҳамияти ишлаб чиқилган илмий таклифлар ва амалий тавсиялардан республикада автомобиль саноати корхоналарининг маркетинг стратегиясини такомиллаштиришга қаратилган комплекс чора-тадбирлар мажмуини ишлаб чиқишда фойдаланиш мумкинлиги билан белгиланади.