Авлоний номидаги Халқ таълими тизими раҳбар ва мутахассис ходимларини қайта таёрлаш ва малакасини ошириш институти

КИРИШ
«Тарбия биз учун ё ҳаёт,
ё мамот, ё нажот, ё ҳалокат,
ё саодат - ё фалокат масаласидир».
А. Авлоний
Битирув иши мавзусининг долзарблиги ва унинг асосланиши. Ўзбекистон Республикаси биринчи Президенти И.А.Каримов; «Таълимнинг янги модели жамиятда мустақил фикрловчи эркин шахснинг шаклланишига олиб келади. Ўзининг қадр-қимматини англайдиган, иродаси бақувват, иймони бутун, ҳаётда аниқ мақсадга эга бўлган инсонларни тарбиялаш имконига эга бўламиз» деб таъкидлаганларидек, бугунги кунда “Таълим тўғрисидаги қонун” ва “Кадрлар тайёрлаш миллий дастури” орқали шахс тарбиясига жиддий эътибор қаратилмоқда.
Тарбия узлуксиз жараён бўлиб, инсон дунёга келишидан бошлаб, то умрининг охиригача давом этиб боради. Бу жараён давомида атроф-муҳитдаги воқеа-ҳодисаларнинг шахсга салбий ёки ижобий акс таъсир этиши унинг инсоний фазилатлари қай даражада шаклланганлигини белгилайди. Бугунги кунда таълим соҳаси олдида турган энг долзарб муаммолардан бири ҳам айнан, шу мақсадга қаратилган бўлиб, келажак авлодни комил шахс сифатида шаклланишини таъминлашдан иборатдир. Маълумки, ёшларнинг маънавий-ахлоқий тарбияси билан оила, маҳалла, таълим муассасалари, оммавий ахборот воситалари, ҳуқуқни муҳофаза қилувчи ташкилотлар, илмий-педагогик кадрлар шуғулланадилар. Тарбия жараёнида барча иштирокчиларнинг баҳамжиҳатлиги таъминлансагина, у ўзининг ижобий натижаларини бериши мумкин.
Битирув иши объекти ва предмети.Мактаб ёшидаги болаларнинг психодиагностик ўрганишда замонавий методлари.
Битирув иши мақсади ва вазифалари –Ҳар бир ёш даврнинг психологик хусусиятларини ҳисобга олган ҳолда педагогик ва тарбиявий таъсир ўтказиш асосида инсонда ўз вақтида ўзини англашни вужудга келтириш. Таълимнинг барча босқичларида унинг самарадорлигини ошириш учун ёш ва педагогик психологиясининг қонуниятларига суянмоғи зарур. Болалар жамоаси, оила муҳити, меҳнат жамоаларида шахслараро илиқ муносабатларни шакллантириш ёш даври хусусиятларини инобатга олишнинг маҳсули саналади.