Авлоний номидаги Халқ таълими тизими раҳбар ва мутахассис ходимларини қайта таёрлаш ва малакасини ошириш институти

Битирув ишини тайёрлашда фойдаланилган адабиётлар ва норматив-ҳуқуқий ҳужжатларнинг қисқача ўзаро таҳлили.Малака ишини таёрлашда Ўзбекистон Республикасидаги норматив – ҳуқуқий ҳужжатлардан унумли фойдаланган ҳолда малака иши тартиб асосида ёзилди. Ҳамда мавзудан келиб чиққан ҳолда хорижий, рус ва ўзбекистон психологи ва педагог олимларининг илмий изланишларида мотивация тўғрисидаги қарашлари ва ўтказилган тадқиқотлари қисқача ўрганилиб улардан фойдаланилди. Битирув малака ишида адабиётлар рўйхатини тўртта қисмларга ажратилган ҳолда тузилиб унда норматив-ҳуқуқий ҳужжатлар 3 та, Ўзбекистон Республикаси президентлари асарлари 5 та, махсус адабиётлар 24 та, электрон ресурслар 5 та.
Битирув ишининг назарий ва амалий аҳамияти:мактабгача ёш даврлари психологиясига доир назарий маълумотлар психология фани соҳаларидан умумий психология, ёш ва педагогик психология фанларини назарий манбалар билан бойитишга хизмат қилади. Тадқиқот натижалари асосида тўпланган маълумотлар педагог ва тарбиячиларда таълим-тарбияни ривожланишининг хусусиятларини атрофлича очиб бериш имконини беради. Шу билан бирга ўқув фаолияти мотивациясини шакллантиришда индивидуал ишлашнинг шакл, усул ва воситалардан самарали фойдаланишнинг илмий асосларини яратишда қўллаш мумкин.
Битирув иши тузилмасининг тавсифи:Битирув ишининг асосий матни 31 бетдан иборат бўлиб, кириш, 2 та боб, хулоса, тавсиялар ҳамда фойдаланилган адабиётлар рўйхати ва иловалардан ташкил топган.


I-БОБ. БОЛАЛАР ПСИХОЛОГИЯСИ ФАНИНИ ЎРГАНИШ МЕТОДИКАСИ КУРСИНИНГТАРКИБИЙ ТУЗИЛИШИ

1. 
   Болалар психологияси фанини ўрганиш методикаси
   

Болалар психологияси фанини ўқитиш методикаси курси ўзининг муайян таркибий тузилишига эга. Унинг асосини болалар психологияси фанининг асосий бўлимлари ташкил этади. Болалар психологияси фанини ўқитиш методикасининг таркиби қуйидаги қисмлардан иборат:
1. Болалар психологияси фанининг умумий масалаларини ўқитиш методикаси. Бу бўлимга болалар психологияси фани предмети,методлари, бола психик тараққиётининг умумий қонуниятларини ўргатиш масалалари киради.
2. Гўдаклик ва илк болалик даврларида бола психик тараққиёти хусусиятлари билан боғлиқ масалаларни ўқитиш методикаси.
3. Мактабгача ёш даврида бола психик тараққиёти қонуниятларининг мазмуни, психик тараққиётда бола фаолияти ва ижтимоий муносабатларнинг аҳамияти билан боғлиқ масалаларни ўқитиш методикаси.
4. Мактабгача ёш даврида бола шахсининг тараққиёти, бола хулқ- атворининг мотивлари, бола шахси маънавий сифатларининг шаклланиши,бола ҳиссиётлари ва иродасининг ривожланиши билан боғлиқ масалаларни ўқитиш методикаси.
5. Мактабгача ёш даврида бола ақлий тараққиёти, бола нутқининг,диққатининг, хотираси ва хаёлининг, шунингдек, тафаккуринингривожланиши, бола сенсор ривожланиши билан боғлиқ масалаларни ўқитиш методикаси.
6. Боланинг мактабга психологик жиҳатдан тайёрлаш билан боғлиқ масалаларни ўқитиш методикаси. Мазкур бўлимларни ўқитиш методикаси педагогика фани ютуқлари ва бўлим мазмунидан келиб чиқиб белгиланиши лозим бўлади.