Аудиторское заключение

1-амалий машғулот.
Аудитнинг мақсади: Пул маблағлари бўйича амалга оширилган хўжалик муомалаларини қонуний, ишончли ва хўжалик учун мақсадли тартибда ташкил қилиш.
Касса муомалалари аудитининг асосий вазифалари:

1. 
   Кассадаги нақд пул маблағларини сақлаш шароитини текшириш.
   
2. 
   Кассадан нақд пуллар кирими ва чиқимини расмийлаштирувчи дастлабки ҳужжатларни тўғрилигини текшириш.
   
3. 
   Касса муомалаларини юритиш тартибини текшириш.
   
4. 
   Касса муомалалари ҳисоби, касса дафтари ва аналитик ҳисоб маълумотларини текшириш.
   
5. 
   Банкдан юридик ва жисмоний шахслардан кассага кирим қилинган нақд пулларни тўлиқлиги ва ўз вақтида киримга олинишини текшириш.
   

2-амалий машғулот.
1-масала. 10 февралда савдо ташкилоти бош кассаси инвентаризация қилинди. Бош кассир аудиторлар комиссиясига нақд 125000 сўм борлигини эълон қилди. Касса ҳисоботи маълумоти бўйича шу кун бошига нақд пул қолдиғи 25600 сўм бўлган. 10 феврал куни №151 касса кирим ордери бўйича 1-кассага 30000 сўм пул тушган ва шу сумма кирим қилинган. Шунингдек 2-кассага тушган 27000 сўм № 152 касса кирим ордери бўйича кирим қилинган. 10 февралдаги №137 касса чиқим ордери бўйича банкка 44800 сўм топширилган.
Бош кассир қуйидаги шахсларга маошгача пул берганлигини тушунтириш хатида кўрсатиб ўтган:
Сотувчи Ҳамидова С.Г.га 55000 сўм.
Ишчи Ахмедова А.Ш.га 40000 сўм.
Кассир Абдуллаева Л.А. 35000 сўм
Кассир фикри бўйича бу суммалар иш ҳақи бериладиган кун юқоридаги шахслардан ушлаб қолинади.
Талаб қилинади: Инвентаризация билан боғлиқ тадбирларни амалга оширинг. Холатга баҳо беринг.


2-масала. Банк томонидан корхона кассасига нақд пул қолдиғи меъёри 20000 сўм қилиб белгиланган. Текширилаётган давр мобайнида 5010-«Касса» счёти бўйича регистрда ҳамда касса ҳисоботида нақд пул қолдиғи кўрсатилган.
1-февралда 35000
18-февралда 760000
1-мартда 220000
1-апрелда 286500
15-апрелда 148700
2-майда 137000
15-майда 128000
5- июнда 472700
1-июлда 127000
10-июлда168000
1-августда 113000
10-сентябрда 157000
10-октябрда 158000
12-декабрда 158000
Савдо корхоналари учун иш ҳақи бериш санаси ҳар ой учинчи ёки ун еттинчи куни қилиб белгиланган.