12.5. АСОСИЙ ВОСИТАЛАР ҲАРАКАТИНИНГ АУДИТИ Асосий воситаларнинг корхонага қабул қилиниши усуллари:
мол етказиб берувчилардан сотиб олиш;
беминнат келиб тушиш;
Низом капиталига таъсис бадали сифатида қўйилмалар;
ижарага олинган асосий воситаларни сотиб олиш;
ҳамкорлик фаолиятини кўрсатиш шартномасига мувофиқ мол-мулкни (асосий воситаларни) қайтарилиши.
Асосий воситаларнинг келиб тушиши асосий воситаларни қабул қилиш-топширрпн (ички ҳаракати) далолатномаси (юк хати) билан (АВ-1 шакли), унга илова қилинган мазкур объектнинг техник ҳужжатлари билан биргаликда расмийлаштирилади.
Асосий воситаларни корхонадан чиқариш сабаблари:
яроқсиз ҳолга келганлиги ва эскирганлиги ҳамда форс-мажор сабабларига кўра объект тугатилиши;
қайта жиҳозлаш, қайта қуриш сабаблари билан тугатилиши;
асосий воситаларни бошқа корхоналарга берилиши.
Асосий воситалар ишга яроқсизлигини аниқлаш учун корхонада махсус комиссия тузилади. Объектнинг тугатилиши комиссия томонидан тузилган асосий воситаларни ҳисобдан чиқариш бўйича далолатнома (АВ-3 шакли) билан расмийлаштиради. Далолатнома корхона раҳбари томонидан тасдиқланади, бухгалтер эса варақага объект чиқарилган сана ва далолатнома рақамини қайд этади.
Асосий воситалар ишлатиладиган жойларда (корхона устахоналари ва бўлимларида) асосий воситаларнинг инвентар рўйхатлари (АВ-9 шакли) юритилади, уларда ишлатишда бўлган асосий воситалар объектлари бўйича қисқа маълумотлар келтирилади.
Келиб тушган, ҳисобдан чиқарилган ва корхона ичида ҳаракатланган асосий воситаларнинг инвентар варақалари, тегишли ёзувлардан кейин ҳисобот ойининг охиригача, таҳлаб қўйилмасдан алоҳида сақланади. Бу шунинг учун зарурки, мазкур варақалар асосида асосий воситаларнинг ҳар ойлик эскириши ҳисобланади, бундан ташқари, жорий ой якунлангандан кейин ушбу ойдаги
122
ёзувлари бўлган варақа асосий воситалар табақалаштирилган турлари бўйича гуруҳлаштирилади, ҳар бир тури бўйича қабул қилиниши ва ҳисобдан чиқарилиши айланмалари жамланади ва асосий воситалар ҳаракатини ҳисобга олиш варақаларига ёзиб қўйилади.
Асосий воситалар тўғри баҳоланганлигини текшириш лозим, зеро нотўғри баҳолаш нафақат умумий ҳолатни нотўғри акс этиши, балки қуйидагиларга олиб келиши мумкин:
эскириш нотўғри ҳисобланишига;
солиқлар суммаси нотўғри ҳисобланишига;
бухгалтерия (молиявий) ҳисоботда асосий воситалар қиймати нотўғри акс этилишига.
Асосий воситалар ҳаракати бўйича операцияларнинг аудиторлик текширувида қуйидагиларга алоҳида эътиборни қаратиш лозим:
асосий воситаларни Низом капиталига бадал сифатида ўтказишда уларнинг дастлабки қиймати, эскириши ва топшириш вақтидаги келишув нархи кўрсатилган рўйхат мавжудлиги. Рўйхатга топшираётган корхона муҳри билан тасдиқланган қабул қилиш-топшириш далолатномасининг иккинчи нусхаси ва ўтказилаётган объектлар бўйича техник ҳужжатлар илова қилинганлиги;
асосий воситаларни сотиб олишда уларнинг дастлабки қиймати, эскириши ва сотиб олиш нархи кўрсатилган сотиб олиш-сотиш далолатномаси расмийлаштирилиганлиги;
асосий воситалар тўпламда (масалан, офис учун мебел) сотиб олинганда инвентар варақага тўплам таркибига кирувчи буюмлар бўйича алоҳида ёзувлар киритилганлиги;
асосий воситалар объектлари чет эл валютасига сотиб олинганда объектнинг дастлабки қиймати сотиб олиш пайтида амалдаги курс асосида сўмга қайта ҳисобланган қиймати бўйича ҳисобланганлиги;
вақтинча ишлатишда бўлган капитал қурилиш объектлари, улар доимий ишлатишга қабул қилингунга қадар асосий воситалар таркибига киритилмаслиги ва тугатилмаган капитал қўйилмалар деб ҳисобга олинганлиги;
жорий ижара шарти билан фойдаланишга қабул қилинган асосий воситалар объектлари 001-сонли балансдан ташқари ҳисобварақда ҳисобга олинганлиги;
асосий воситаларни сотишда амалдаги бозор нархларини қўллаш;
асосий воситалар бепул берилганда уларнинг қиймати берувчи томонидан ҚҚСга тортилиши, аввал асосий воситалар таркиби-га ҚҚС билан киритилган асосий воситалар бепул берилиши бундан истисно (ишлаб чиқариши бўлмаган жавҳалар учун);
асосий воситалар ишга яроқсизлиги, уларни тиклаш учун таъмирлаш ишларини амалга ошириш мумкин эмаслиги ёки самара бермаслигини аниқлаш ҳамда ҳисобдан чиқариш бўйича тегишли ҳужжатларни расмийлаштириш учун
123
.«•
корхонада раҳбар буйруғи билан доимий фаолият кўрсатувчи комиссия тузилганлиги;
агар ускуналар янги қурилиш, фаолият кўрсатаётган корхонани кенгайтириш, қайта қуриш ва техникавий қайтадан жиҳозлаш билан боғлиқ бўлса, мазкур ускуналарнинг рўйхати фаолият кўрсатаётган корхонанинг кенгайтириш, қайта қуриш ва техникавий қайтадан жиҳозлаш режасига киритилганлиги;
ускуналарни бўлакларга ажратиш ва демонтаж қилишдан ҳосил бўлган ва келажакда ишлатиш учун яроқли бўлган барча деталлар, қисмлар ва агрегатлар омборга кирим қилинганлиги ва ушбу операция бухгалтерия ҳисобида тегишли равишда қайд этилганлиги.
