Аудитнинг халқаро стандарти 330 баҳоланган рискларга жавобан аудиторнинг ҳаракатлари

Умумий ёндашувi
Молиявий ҳисоботлар даражасида баҳоланган муҳим бузиб кўрсатишлар рискларига нисбатан умумий ёндашув, масалан, қуйидагиларни ўз ичига олади:

• Профессионал скептицизм принципига риоя этиш зарурлигини аудит келишуви жамоаси аъзоларига эслатиш.
• Тажрибалироқ ходимлардан ёки махсус кўникмаларга эга бўлган шахслардан иборат штатни тайинлаш ёки экспертларни жалб қилиш.
• Назоратни янада синчковлик билан амалга ошириш.
• Бундан буён бажариладиган аудиторлик тартиб-таомилларини танлашда кутилмаганлик қўшимча элеметларини киритиш.
• Аудиторлик тартиб-таомиллари хусусияти, уларни бажариш муддатлари ва кўламига умумий ўзгартиришлар киритиш, масалан: моҳияти бўйича текшириш тартиб-таомилларини оралиқ санада эмас, балки давр охирида бажариш; ёки кенгроқ қамровли аудиторлик далилларини олиш мақсадида аудиторлик тартиб-таомилларининг хусусиятини модификациялаш.

Аудиторлик ҳужжатлари шакли ва ҳажми – бу профессионал мулоҳаза масаласи бўлиб, у тадбиркорлик субъекти ва унинг ички назорат тизими хусусияти, катта-кичиклиги ва мураккаблиги даражасига, тадбиркорлик субъекти томонидан берилган маълумотлар бор-йўқлигига, аудитни ўтказиш чоғида қўлланилаётган аудит методологияси ва усулларга боғлиқ бўлади.