Аудитнинг халқаро стандарти 330 баҳоланган рискларга жавобан аудиторнинг ҳаракатлари

Моҳияти бўйича текшириш тартиб-таомилларини бажариш муддатлари

Агар моҳияти бўйича текшириш тартиб-таомиллари оралиқ санада бажарилаётган бўлса, аудитор қуйидагиларни бажариш орқали қолган даврни текшириши лозим:
1. моҳияти бўйича текшириш тартиб-таомилларини бўлғуси даврга нисбатан назорат воситалари тестлари билан бирга;
2. фақат бўлғуси моҳияти бўйича текшириш тартиб-таомилларини, агар аудитор уларни етарли деб ҳисобласа,
Булар оралиқ сана ва давр тугаган сана ўртасидаги оралиқ даврни аудиторлик хулосаси билан қамраб олиш учун оқилона асосни таъминлайди.
Агар оралиқ санага қадар бўлган ҳолатга кўра аудитор муҳим бузиб кўрсатишлар рискларини баҳолашда ўзи мавжудлигини кутмаган бузиб кўрсатишни аниқлаган бўлса, аудитор рискларга берилган тегишли баҳони ва қолган даврга нисбатан моҳияти бўйича текшириш тартиб-таомилларининг режалаштирилган хусусияти, бажариш муддатлари ёки кўламини модификациялаш зарурми, деган масалани ҳал қилиши лозим.

Ҳужжатлар. Аудиторлик ҳужжатларига аудитор қуйидагилар тўғрисида маълумотларни киритиши лозим.

1. Молиявий ҳисоботлар даражасида баҳоланган муҳим бузиб кўрсатишлар рискларига нисбатан қўлланилаётган умумий ёндашув, шунингдек бундан буён бажариладиган аудиторлик тартиб-таомиллари хусусияти, уларни бажариш муддатлари ва кўлами тўғрисида;

2.Мазкур тартиб-таомилларнинг тақдимномалар даражасида баҳоланган рисклар билан ўзаро алоқаси тўғрисида; ва Аудиторлик тартиб-таомиллари натижалари, шу жумладан улар унча аниқ бўлмаган ҳолларда чиқарилган хулосалар тўғрисида.

Агар аудитор олдинги аудиторлик текширишлари жараёнида олинган назорат воситаларининг операцион самарадорлиги хусусидаги аудиторлик далилларидан фойдаланишни режалаштирган бўлса, аудитор олдинги аудитни ўтказиш жараёнида тестланган бундай назорат воситаларига таяниш мумкинлиги хусусида чиқарилган хулосаларни ҳужжатлаштириши лозим.

Стандартни қўллашга доир қўлланма ва бошқа шарҳловчи материал