«audit» kafedrasi «Ichki audit» fanidan

3.5. Ichki audit bo’limining tashkilotning boshqa bo’limlari bilan o’zaro aloqadorligi
Hozirgi zamon sharoitida ichki auditga tegishli ba’zi vazifalar turli xil bo’limlar va rahbarlarga yuklatib qo’yilgan. Ammo bu bo’limlar nazorat funksiyasi qoniqarli va to’laligicha bajara olmaydilar. Bu esa tashkilotning yuqori risk bilan ishlayotganligidan dalolat beradi, soliq organlari tashkilot moliyaviy-ho’jalik faoliyatidan kamchiliklar topgan va sanksiya qo’llangan holda, tashkilot juda katta zarar ko’radi va bu narsa uning kelajakda hamkorlari bilan ishlashida salbiy ta’sir ko’rsatmay qolmaydi.
Ichki audit bo’limi tizimli tarzda boshqaruvning barcha obyektlarini nazorat qilib boradi va standartlardan, shu jumladan tashkilot oldiga qo’ygan maqsadlardan og’ishishlar kuzatilgan taqdirda, ularni boshqaruvga ma’lum qiladi va tezkor tarzda bu xatoliklar oldi olinadi.
Ichki audit bo’limining tashkilotning boshqa bo’limlari bilan o’zaro aloqadorligi elementlari

Bo’lim nomlanishi	O’zaro aloqadorligi elementlari
1	2
Direktorat	Ichki audit bo’limi rahbariyatdan buyruqlar, farmoyishlar, ko’rsatmalar, rejalar oladi va shu bilan birga ularni bajarilishi bo’yicha hisobotlar topshiradi, tashkilot faoliyatga baxo, taklif va xulosalar beradi.
Ta’minlash va saqlash bo’limi	Ichki audit bo’limi material texnik holatini tekshiradi, TMZ sotib olish bo’yicha tuzilgan shartnomalar samaradorligi bilan tanishib chiqadi, ishlab chiqarishga berilgan materialllar hisobotlarini o’rganib chiqadi, qabul qilish va hisobdan chiqarish dalolatnomalarini tekshiradi, TMZ qabul qilinishi qonuniyligini nazorat qiladi.
Omborxona	Ichki audit bo’limi TMZ xarakatini, kirim va chiqim o’z vaqtida hisobda aks ettirilganligini, material hisobotlarni, yuk xatlarini, hisob-fakturalarni, moddiy javobgarlik to’g’risidagi shartnomaning tuzilganligi, saqlash normalariga rioya qilinganligini nazorat qlilib boradi
Ishlab chiqarish tsexlari	Ichki audit bo’limi ishlab chiqarish hisobotlarini, xom ashyoni ishlab chiqarishga berilganligini tasdiqlovchi yuk xatlari, reja va haqiqatda ishlab chiqarilayotgan tayyor mahsulot miqdorini nazorat qiladi. Xarajatlarni mahsulot tannarxiga to’g’ri oborilayotganligini, texnik ko’rik va sifat qayd qilish jurnallari to’ldirilishini tekshiradi va ishlab chiqarish faoliyatiga baho beradi.
Rejalashtirish va iqtisod bo’limi	Ichki audit bo’limi norma va normativlar o’rnatilganligini, ishlab chiqarish, moliyaviy va tijorat faoliyatida rejadagi ishlar bajarilayotganligini to’g’risidagi hisobotlarni, ishlab chiqarilayotgan mahsulotlar bo’yicha sotish narxining rejalashtirilganligi, shtatlar jadvalining mavjudligini nazorat qiladi.
Buxgalteriya hisobi bo’limi	Ichki audit bo’limi buxgalteriya, moliyaviy va statisika hisobotlaridagi ma’lumotlar haqqoniyligini tekshiradi, debitor va kreditorlar, byudjet va byudjetdan tashqari jamg’armalar bo’yicha hisobotlarini tekshiradi va boshqalar. Tahlil va inventarizatsiya materiallarini taqdim etadi. Soliq qonunchiligida buxgalteriya sohasiga taaluqli o’zgarishlar, yangilillar bilan tanishtirib boradi.