Аттестация саволлари ва жавоблар

ХАВФСИЗЛИК ТЕХНИКАСИДАН САВОЛ-ЖАВОБЛАР


1-савол : Корхона ишчиларининг мажбуриятлари нималардан иборат:

Корхона ишчилари:

• 
  меҳнат вазифаларини сидқидилдан бажарадилар;
  
• 
  корхонанинг ички тартиб қоидаларига риоя қиладилар;
  
• 
  меҳнат интизомига риоя қиладилар;
  
• 
  ўрнатилган мейёрларни бажарадилар;
  
• 
  меҳнат муҳофазаси ва хавфсизлик чораларини таъминлаш талабларига риоя қиладилар;
  
• 
  иш берувчининг мулкини ва бошқа ишчиларнинг мулкини авайлаб асрайдилар;
  
• 
  одамлар ҳаёти ва соғлиғига хавф туғдирадиган ҳолатларда зудлик билан иш берувчига ёки ўз раҳбарига хабар берадилар.
  

2-савол : Бирламчиўт ўчирувчи воситаларига нималар киради?

1. Сув.
2. Қум.

3. Ўт ўчиргич (огнетушитель).
4. Кигиз ёки асбест материали.


3-савол : Тротуар бўлмаган катта йўлларда пиёдалар қандай ҳаракатланади?

Тротуар бўлмаган катта йўлларда пиёдалар йўлнинг чап томонидан, яъни ҳаракатланаётган автотранспортларга қарама-қарши ҳаракатланадилар ва ҳайдовчининг сигналини кутмасдан автотранспортга йўл берадилар.

4-савол : Корхонада мавжуд кўрсатма турлари?

1. 
   Дастлабки кўрсатма;
   
2. 
   Бирламчи кўрсатма;
   
3. 
   Даврий кўрсатма;
   
4. 
   Навбатдан ташқари кўрсатма;
   
5. 
   Мақсадли кўрсатма;
   
6. 
   Махсус кўрсатма.
   

5-савол : Хавфсизлик техникаси ва иш жойи бўйича даврий билимини текшириш муддати?

• 
  Портлашга хавфли, ёнғинга хавфли ишлаб чиқариш корхоналарида, зарарли ва ўта зарарли иш шароитида ишловчи ишчиларга – йилда бир марта;
  
• 
  Қолган ишчилар учун – икки йилда бир марта;
  
• 
  Кичик хизмат кўрсатувчи ходимларга ва малакаси йўқларга, маъмурий биноларда иш бажарувчиларга , профилакторийларда,спорт клубларида, дам олиш масканларида (фаррошлар, ҳовли супурувчилар ва ҳ.к) ишловчиларни билими текширилмайди. Мустақил ишга улар дастлабки ва иш жойи бўйича бирламчи кўрсатма олганларидан кейин корхона раҳбарининг буйруғи асосида мустақил ишга рухсат берилади.