Қатламни синаш Қудуқни бурғилашда керн олиш

4. Қудуқ кесимида синаш объектини танлаш
Ер ости бойликларидан фойдаланувчи геологик хизмат бўлими 
ушбу регион бўйича барча маълумот, қудуқни бурғилаш жараёнида, 
очиқ танада ўтказилган кон-геофизик ишлар натижаларини ҳисобга 
олган ҳолда, геофизик ва геологик-технологик тадқиқотлар 
натижаси бўйича тавсиялар асосида синаш объектини танлайди. 
Бурғилаш жараёнида синашга маҳсулдор ёки маҳсулдор бўлиши 
мумкин деб баҳоланган горизонтлар қуйидаги кўрсаткичларига кўра 
тавсия этилади: 
- бурғилаш эритмаси циркуляциясида қудуқ оғзида нефтгазнинг 
намоён бўлиши кузатилганда; 
- бурғиланаётган жинс намуналарни (керн ёки шлам) нефтга 
тўйинганлигида; 
- бурғилаш эритмасида углеводород газлари (газокаротаж) бўлганда; 
- ювувчи суюқлик ёки шламнинг битуминологик ва люминесцент 
таҳлили натижалари бўлганда; 
- ҚГТ (ГИС) материалларини интерпретация маълумотларига кўра 
нефтгазли катламларнинг мавжудлиги аниқланганда. 

---

Бурғилаш жараёнида ушбу тавсияларни ҳисобга олган ҳолда, 
синашга нафақат нефтгазга тўйинган қатламлар, балки сувли 
объектлар ҳам нефть уюмларини сув бостиришда қатлам сувларини 
қўллаш имконини баҳолаш учун тавсия этилиши керак. 
Очилган оралиқда аниқланган турли хил тўйинган (нефть, газ, сув) 
қатламлар албатта алоҳида синалиши зарур. 
Қувурлар билан мустаҳкамланмаган қудуқлар билан бир қаторда 
ишлатиш қувурлари туширилган қудуқларда перфорацияланган 
оралиқлар, трубаларда тушириладиган қатлам синагичлар ёрдамида 
тадқиқотлар ўтказиладиган объектлар ҳисобланади. Бундай 
қудуқларда ишлар қуйидаги мақсадларда ўтказилади: 
- перфорация объектини ўзлаштириш учун; 
- қатламга депрессион ва гидроимпульсли таъсир кўрсатиб, нефть 
қазиб олишни жадаллаштириш учун; 
- қудуқнинг цементлаш сифатини баҳолаш учун; 
- қудуқдан қисқа муддатли ишлатиш йўли билан қатлам флюидини 
узоқ вақт давомида чиқариб олиш учун. 

---