Atamalar lug‘ati aloqa

Boshqaruv mehnatining gorizontal taqsimlanishi – mehnatni
ishlarning turlari vazifalar bo‘yicha taqsimlanishi. U mutaxassislarni
ajratilishi, tashkilotda vazifaviy xizmatlar va bo‘linmalarni tashkil
qilinishida namoyon bo‘ladi.
Boshqaruv mehnatini ilmiy tashkil etish – boshqaruv xodimlar
mehnatini shunday tashkil etishki, u fan yutuqlari va ilg‘or tajriba,
xo‘jalik yuritishning ilg‘or shakllaridan foydalanish, texnik vositalarini
qo‘llashga asoslanadi va xizmatchilarni bir-birlari va ishchilar bilan o‘zaro
hamkorlikni yaxshiroq tarzda o‘rnatishga imkon beradi hamda boshqaruv
vazifalarini amalga oshirish va ishlab chiqarish (tijorat)ni muhandislik -
texnik va iqtisodiy ta’minlash jarayonida texnik vositalaridan
foydalanishga asoslanadi.
Boshqaruv ob’ekti – boshqaruv sub’ekti tomonidan boshqaruvchi
ta’sirlarni qabul qiluvchi idora. U impulslar (boshqaruv buyuruqlari)ni
oladi ularga muvofiq harakat qiladi Xodim, mehnat jamoasi, tovarlar,
resurslar, hujjatlar va h.k. boshqaruv ob’ekti sifatida bo‘ladilar.
Boshqaruv sub’ekti – boshqaruv tizimining boshqaruv ob’ektiga
ta’sir ko‘rsatish manbai bo‘lgan bo‘g‘ini yoki qismi. Boshqaruv su’ekti
sifatida firmaning bo‘limlari va xizmatlari majmuasini yoki alohida
bo‘linma, yakka shaxs va boshqalarni ko‘rib chiqish mumkin. Boshqaruv
su’ektini ajratish boshqariladigan ijtimoiy-iktisodiy tizimning
ko‘lamlari va undagi boshqaruv tizimini ta’riflovchi aloqalar bilan
cheklangandir.
Boshqaruv tamoyillari –boshqaruv sub’ektlari aniq ob’ektlarni
boshqarish jarayonida amal qilishlari lozim bo‘lgan ob’ektiv qonunlardan
kelib chiquvchi asosiy qoidalar.
387
Boshqaruv tizimi – 1. Odamlarni birgalikdagi faoliyatini
muvofiqlashtirish uchun zarur harakatlar yig‘indisi. 2. Boshqaruvni amalga
oshiruvchi bo‘g‘inlar va ular o‘rtasidagi aloqalarning yig‘indisi.