Astanaqulova zuhraxon baxtiyorjon qizi

Birinchi qonuniyat-“Pedagogik innovatsion muhitining keskin beqarorlik”;
Ikkinchi qonuniyat – “Amalga oshish;
Uchinchi qonuniyat – “Qoliplashtirish (stereotiplashtirish)”;
To’rtinchi qonuniyat-“Pedagogik innovatsiyalarning davriy takrorlanishi va qaytarilishi”.
Keskin beqarorlik qonuniyatiga ko’ra pedagogik jarayon va hodisalar to’g’risidagi yaxlit tasavvurlar o’zgaradi, shakllangan pedagogik yangilik baholanadi va bu yangilikning ahamiyati, qiymati e’tirof etiladi.
Amalga oshish qonuniyati yangilikning hayotiyligini ifodalaydi, unga ko’ra yangi pedagogik innovatsiyalar stixiyali yoki ongli ravishda o’ta tezkor yoki tezkor ravishda amaliyotga tatbiq etiladi.
Qoliplashtirish(stereotiplashtirish) qonuniyati aksariyat pedagoglarda yangicha tafakkurning qaror topganligini va ularning innovatsiyalarni amaliyotga tatbiq etish yo’lida faollik ko’rsatishlarini tavsiflaydi. Bu jarayonda dastlab innovatsion harakter kasb etgan g’oyalar yanada ilg’or yangiliklarni amalga oshirishsh yo’lida to’siq bo’la boshlaydi.
Pedagogik innovatsiyalarning davriy takrorlanishi va qaytarilishi qonuniyati yangiliklarning yangi, yanada qulay sharoitlarda qayta tiklanishini ifodalaydi.
Odatda pedagogik innovatsiyalarning amaliyotga tatbiq etilishi ikki xil kechadi.
Birinchi, pedagogik innovatsiyalarning amaliyotga tatbiqi stixiyali kechadi, ya’ni, innovatsion jarayonda pedagogik yangiliklarga bo’lgan ehtiyoj hisobga olinmaydi, ularni amaliyotga tatbiq etishda mavjud shart-sharoitlar, usul va yo’llariga ongli munosabat bildirilmaydi.
Ikkinchisi esa pedagogik innovatsiyalarning amaliyotga tatbiqi stixiyali kechadi, lekin, pedagogik yangiliklar innovatsion jarayonda ongli, maqsadga muvofiq, ilmiy asoslangan faoliyat mahsuli sifatida amaliyotga joriy etiladi.
Pedagoglarda innovatsion yondashuvni qaror toptirish bosqichlari quyidagicha:.
-muammoni tahlil asosida aniqlash;
-mo’ljallanayotgan tahlim tizimini loyihalash;
-o’zgarishlar va yangiliklarni rejalashtirish;
-o’zgarishlarni amalga oshirish.
Bugungi kunda pedagoglarning innovatsion faoliyat ko’nikma, malakalariga ega bo’lishlari muhim ahamiyatga ega. Fan o’qituvchisining dars jarayonida o’quvchilar tomonidan bilimlarni egallashida, ko’nikmalarni shakllantirishida va malakalarini o’zlashtira olishlarida ularning innovatsion yondashuvga ega bo’lishlari talab etiladi. O’z mohiyatiga ko’ra pedagoglar tomonidan innovatsion faoliyat ko’nikma, malakalarining o’zlashtirilishi ularda innovatsion yondashuvni qaror topishi asosida kechadi.
Pedagoglarda innovatsion yondashuvning qaror topishi ham murakkab jarayon bo’lib, u bir necha bosqichda kechadi.