Ассемблер тилида дастурлаш

Ассемблер тилида дастурлаш
Ассемблер тили – бу машина тилини символлар билан тасвирлаш. Шунинг учун ассемблер тилида асосан ушбу тилда аппарат қисми ишини самарадорлигини қўллаб қуватлайдиган дастурлар ёзилади.
1. Регистрлар
Регистрлар – процессорда жойлашган махсус хотира ячейкалари. Регистлар орқали бажариладиган ишлар оператив хотира ячейкаларига қараганда тезроқ бажарилади, шунинг учун регистрлар ассемблер тилида ёзилган дастурларда ва юқори даражадаги тиллар компиляторларида ҳам ишлатилади.
Регистрларни умумий мақсаддаги регистрлар, буйруқлар кўрсаткичи, байроқлар регистри ва сегмент регистрларга ажратиш мумкин.
Умумий мақсаддаги регистрлар
Умумий мақсаддаги регистрларга 8 та регистрдан иборат гуруҳ киради. Барча регистрлар 32 бит ҳажмга эга ва 2 ёки кўпроқ қисмларга ажратилади.

Расмда кўрсатилганидек, ESI, EDI, ESP ва EBP регистрларнинг кичик 16 битларига SI, DI, SP ва BP номлари билан мос равишда мурожат этиш мумкин, EAX, EBX, ECX ва EDX регистрлари эса кичик 16 битларига мурожат этиш мумкин (AX, BX, CX ва DX), ҳамда алоҳида иккита кичик байтларига (AH/AL, BH/BL, CH/CL ва DH/DL)
Умумий мақсаддаги регистрлар:

• 
  EAX/AX/AH/AL (accumulator register) – аккумулятор;
  
• 
  EBX/BX/BH/BL (base register) – база регистри;
  
• 
  ECX/CX/CH/CL (counter register) – счётчик;
  
• 
  EDX/DX/DH/DL (data register) – маълумотлар регистри;
  
• 
  ESI/SI (source index register) – манба индекси;
  
• 
  EDI/DI (destination index register) – қабул қилгич индекси;
  
• 
  ESP/SP (stack pointer register) – стек кўрсаткичининг регистри;
  
• 
  EBP/BP (base pointer register) – стек кадри базаси кўрсаткичининг регистри.
  

Буйруқлар кўрсаткичи
EIP регистри кейинги бажарилиши лозим бўлган буйруқнинг кўчирилиши ҳақида маълумотга эга. Ушбу регистр дастурчи ишлата олмайди, аммо уни юклаш ва қийматларини ўзгартириш хар ҳил бошқариш буйруқлари орқали бажарилади, улар, шартли ва шартсиз ўтишлар, процедураларни чақириш ва процедуралардан қайтариш.