Ассемблер тилида дастурлаш

IMUL <операнд>
IMUL <операнд>, <тўғридан тўғри кўпайтириладиган операнда>
IMUL <операнд1>, <операнд2>, < тўғридан тўғри кўпайтириладиган операнда >
IMUL <операнд1>, <операнд2>
Ишорали кўпайтириш буйруғининг бир неча вариантлари бор.

1. 
   Биринчиси MUL буйруғига мос келади – кўпайтирувчилардан бири буйруқда кўрсатилади, иккинчиси эса EAX/AX/AL регистрларда жойлашган юўлади, натижа эса EDX:EAX/DX:AX/AX регистрларига ёзилади.
   

mov eax, 5
mov ebx, -7
imul ebx ; EAX = ffffffdd (16 –лик саноқ тизимидаги 4 байтли сон ёзилади), EDX = ffffffff

2. 
   Иккинчисида эса кўпайтирувчилардан бири жойлашган регистрни кўрсатиш имконини беради. Худди шу регистрга натижа ёзилади. Иккинчи кўпайтирувчи эса тўғридан тўғри буйруқда кўрсатилади.
   

mov ebx, 3
imul ebx, 6 ; EBX = EBX * 6

3. 
   Учинчи усулда эса ҳам натижа ва иккита кўпайтирмани кўрсатиш мумкин. Аммо натижа фақат регистрга жойланади, иккинчи кўпайтирма эса тўғридан тўғри операнд бўлади. Биринчи кўпайтирувчи регистр ёки хотира ячейкаси бўлиши мумкин.
   

mov ebx, 500000
imul eax, ebx, 100000 ; EAX = EBX * 100000, натижанинг катта қисми йўқолади

4. 
   Тўртинчисида иккита кўпайтирувчини кўрсатиш мумкин. Биринчиси регистр бўлиши керак, иккинчиси – регистр ёки хотира ячейкаси. Натижаси биринчи операнд жойлашган регистрга жойланади.
   

x dd 40
mov eax, 55
imul eax, x ; EAX = EAX * x

IMUL буйруғи MUL буйруғи каби байроқларни ўрнатади. Аммо EDX/DX регистрдаги натижани кенгайтирилиши IMUL буйруғининг фақат биринчи вариантни қўллаганда бўлади. Бошқа ҳолларда кўпайтирманинг қисми регистрга жойланмайди – натижа эса йўқолади, натижа сифатида EAX/AX регистрлари кўрсатилган бўлса ҳам. Иккита 1 байтлик сонларни кўпайтирганда, натижаси 1 байтдан кўпроқ, аммо сўздан кичик бўлса, регистрига тўғри натижа ёзилади.