Ассалому алайкум ҳурматли йиғилиш иштирокчилари

Ассалому алайкум ҳурматли йиғилиш иштирокчилари. Мен Маликова Феруза Абдусаттор қизи жорий йил 16- февралдан 19-мартгача бўлган муддатда Наманган давлат университети Инглиз филологияси факултети Амалий инглиз тили кафедрасида амалиёт олиб бордим. Амалиёт учун менга Инглиз тили ўқитиш методикаси кафедрасидан катта ўқитувчи С. М. Даминжонов ва Амалий инглиз тили кафедрасидан доцент М. Ҳ. Алимова раҳбарлик қилдилар. Стажировка даврида М. Алимова менга ОТМ меъёрий ҳужжатларини юритишни, илмий мақолалар, магистрлик диссертасиясини талабларга мос равишда ёзишни, аудиторияда маъруза, амалий, семинар дарс машғулотларини ташкил қилишни, ўқув режа, ишчи ўқув режа, ишчи ўқув дастури, намунавий дастур, иш режа тузиш қонун-қоидаларини ўргатдилар. Шу билан бир қаторда биз амалиётга борган вақтимизда университет Ҳемис электрон тизимига расмий равишда ўтди ва бу тизим ишлаш тартиби тўғрисида Ш. Неъматжонов зоом дастури орқали тушунтиришлар олиб борди. У бу тизимдаги нафақат дарс ўтиш жараёнлари тўғрисида балки бу тизимда имтиҳонларни қай тартибда яратиш тўғрисида ҳам кўрсатмалар берди.

Ушбу давр мобайнида бир қанча дарсларда кузатувчи сифатида фаолият олиб бордим, бу ўқитувчилар қаторига Ирода Абдуазизова, Машҳура Ҳакимова, Маърифат Болтабоева кабиларни киритишимиз мумкин. Уъқитувчиларнинг дарс жараёнларида қўллаётган метод, стратегия ва технологиялари юзасидан билим ва кўникмаларни шакллантирдим ва улар орасида самарали деб билганларимни амалиёт дарсларимда қўлладим. Бунга мисол сифатида ролли ўйинлар, ппп кабиларни киритишимиз мумкин. Юқоридаги жараёнлардан олинган хулосалар асосида “Образование и наука в ХХI веке “ халқаро журналида “Strategies and techniques in teaching target language” мавзусида мақола чоп эттирдим.
Яна бу даврда ” Ёшларни бандликка жалб этиш “ бўйича тадбир ўтказилди. Ушбу тадбирда ҳамда Наманган Давлат Университетида ўтказилган “Интегратив ва Компетенсиявий ёндашувлар асосида чет тилларни ўқитишнинг илмий – амалий конференсия” сида ўз мақолам билан иштирок этдим.
Бундан ташқари университет маълумотлар базасидан ва дарс жараёнларидан магистрлик диссертациям учун маълумотлар тўпладим.