Ассалом Наврўзи олам!

АССАЛОМ НАВРЎЗИ ОЛАМ!

Бугун 17 март куни Риштон туман ХТБга қарашли 62-умумтаълим мактабида “Ассалом Наврўзи олам!” деб номланган адабий-бадиий тадбир бўлиб ўтди. Тадбирни мактабда фаолият олиб бораётган “Ижодкор” тўгараги аъзолари ташкил этдилар.

...Даврага “Баҳорой” (6-синф ўқувчиси Ш. Мирзаакбарова) кириб келди. У ўзининг шеърий нутқи билан даврага баҳорий кайфият улашди.
.... Наврўз ҳақидаги қўшиқ янграйди. Кўшиққа мос равишда 4-синф ўқувчилари миллий ўйинларимиздан намуналар, 5-синф ўқувчилари эса рақс ижро этишди.
“...Биз янги Ўзбекистон фарзандлари, буюк боболаримиз билан нафақат фахрланамиз, балки уларга муносиб бўлишга бурчлимиз!” Бошловчиларнинг бу чиқириғи тадбир иштирокчилари–ўқувчилар эътиборини тортди.
...Ватан ҳақидаги қўшиқ (7-синф ўқувчиси О. Ҳайитбоев ижросида) янгради. “Қалбдаги ноламсан, боримсан Ватан, Нечун сенга хизмат қилмайин Ватан” мисраларига тўгарак аъзоларининг жўр бўлиши қўшиқнинг таъсирчанлигини оширди.
Бир сўз билан айтганда, мактабда ташкилланган “Ассалом Наврўзи олам!” байрам тадбири унинг иштирокчиларида катта таассурот қолдирди.
Якунда тадбирда фаол қатнашган тўгарак аъзолари мактаб маъмурияти томонидан фахрий Ёрлиқ, эсдалик совғалари билан тақдирланди.
Ижодий-маданий масалалар бўйича тарғиботчи А. Турсунов.