Asrga tatigulik kun


II fasl. “Raymali og’a va Begimoy” rivoyatida sevgi-muhabbatning tarannum etilishi



Download 147,97 Kb.
bet4/5
Sana05.04.2017
Hajmi147,97 Kb.
#6085
1   2   3   4   5

II fasl. “Raymali og’a va Begimoy” rivoyatida sevgi-muhabbatning tarannum etilishi.
Yozuvchi “Nayman ona va uning manqurt o‘g’li” haqidagi rivoyatni o‘sha davr manqurtlari hisoblanmish Kazangapning o‘g’li Sobitjon va Abutolib Quttiboyevni imperializmga qarshi jinoyatchi deb ayblab, Kazangapning mayitini ota-bobolari dafn etilgan qabristonga ko‘mishga ruxsat bermagan chag’irko‘z leytenant Tansiqboyev obrazlariga “kesatiq” sifatida keltirib o‘tgan bo‘lsa, asar syujetidagi “Raymali og’a va Begimoy” epik rivoyatini Edigey va Zarifa o‘rtasidagi botiniy sevgining hosilasiga bag’ishlaydi. Ushbu rivoyat janr xususiyatiga ko‘ra tarixiy rivoyatlar turkumiga mansubdir.

Asarga afsona, ertak, rivoyat va sevgi qissalarini kiritishdan maqsad birinchidan o‘tmish bilan zamona o‘rtasida adabiy ko‘prik yaratish bo‘lsa, ikkinchidan, kitobxonni zeriktirib, toliqtirib qo‘ymasdan, uni oxirigacha o‘qib chiqish uchun qiziqish uyg’otishdir. Shu nuqtai nazardan qaraganda, muallif garchi, bevosita, sevgi mavzusiga bag’ishlanmagan asarlari, shu jumladan, “Asrni qaritgan kun” romanida ham azaliy va abadiy mavzu sevgi-muhabbat haqidagi rivoyatlarga murojaat etadi va zamonasining mashhur oqini Raymali og’a va uning sehrli san’atiga topingan hamda uning izidan borishga qat’iy ont ichgan oshiqu beqaror qiz Begimoy to‘g’risidagi rivoyat vositasida insonga qanot baxsh etuvchi o‘tli muhabbatning mo‘jizakor qudratini madh etadi. Raymali og’a haqidagi rivoyat “Asrni qaritgan kun” romani syujeti bilan uyg’unlashib ketgan holda o‘zi mustaqil asar, go‘zal bir novella sifatida ham xarakterlidir1.

Hamma voqea o‘z davrida xalq dushmani sifatida e’tirof etilgan Abutolib Quttiboyev va uning rafiqasi Zarifaning taqdir taqozosi bilan Bo‘ronli bekatiga kelib qolgan kunlaridan boshlanadi.

Ma’lumki, asarda Abutolib Quttiboyev va Zarifalar oilasi boshiga tushgan og’ir qiynoqlar, cheksiz kulfatlar – shaxsga sig’inishning inson taqdiridagi halokatli oqibatlari, o‘chmas izlari haqqoniy gavdalantirilgan. Abutolib fojiasi tarixi bitilgan sahifalarning o‘zi yaxlit bir san’at asaridek kishi qalbini junbushga keltiradi va romanning eng ta’sirli, hayajonli qismlaridan hisoblanadi1.



Chingiz Aytmatov qahramonlari qalbi keng, ichki dunyosi g’oyatda boy, o‘z ishiga, e’tiqodiga qat’iy ishongan kishilardi. Ayniqsa, Edigey yozuvchi ijodida mazkur asardagi obrazlarning tajassumi sifatida alohida o‘rin egallaydi. Yozuvchi bu obraz orqali o‘zida bunyodkorlik g’oyalarini tashuvchi yangi inson idealini ehtiros bilan, zavq-shavq bilan, san’atkorona tadqiq etgan. Shuni ham aytib o‘tish kerakki, Edigey hayotiy real obraz bo‘lishi bilan birga unda insonda uchrab turadigan ojiz tomonlar ham yo‘q emas. Chunonchi, u xotini Ukkubolani qalbdan sevgani holda qo‘shnisi Abutolibning rafiqasi Zarifaga ko‘ngil qo‘yadi va muhabbat dardiga mubtalo bo‘lib qoladi. Bundan tashqari, jahl otiga minib joni-dilidan yaxshi ko‘rgan tuyasi Qoranorni asossiz kaltaklashda ham uning ojizligi sezilib qoladi”2.

U avvaliga bu holatni Abutolib va Zarifaning bolalariga bo‘lgan muhabbat, bu oilaga nisbatan hurmat va do‘stona munosabat deb qabul qilib, ularning qismatiga qalban achinadi. Lekin bora-bora uning qalbida Zarifaga nisbatan qandaydir iliq tuyg’ular paydo bo‘lganini o‘zi ham anglamay qoladi. Yozuvchi Edigeyning Zarifaga befarq emasligini bunday ta’riflaydi: “Shu g’ala-g’ovur ichida bexosdan Edigey Zarifa naqadar latofatli ekanini payqab qoldi. Yomg’ir Zarifaning qop-qora sochlarini yuzlari, bo‘yni, yelkalari uzra yozib tarar, boshidan to oyog’igacha sizib suv ko‘ylagini badaniga yopishtirib, miqti gavdasini, kifti, qo‘llarini bo‘rttirib, sonlariyu yalang oyoqlarining boldirlarigacha ajratib ko‘rsatar edi. Ko‘zlari esa baxtiyorlikdan nur sochib chaqnab, kumush tishlari tobora yarqirar edi”3. U Zarifaning ushbu qiyofasini hattoki tushlarida ham ko‘radi. Bu esa Zarifaga nisbatan sevgi kurtaklari paydo bo‘lganidan darak edi. Uning qalbida ikki tug’yon avj urardi. Biri bu oila oldidagi odamgarchilik hissi, ya’ni ularni oyoqqa turishlari uchun yordami bo‘lsa, ikkinchisi Zarifaga bo‘lgan muhabbati. Ana shu ikki tuyg’u uning qalbida o‘zaro kurashardi. Hammaga maslahat berib, ko‘pchilikning og’irini yengil qilgan Edigey bu masalada endi o‘zi ojiz bo‘lib qoladi. Uning Zarifaga bo‘lgan sevgisi botiniy, uyatli, lekin o‘z o‘rnida sof va samimiy. Abutolibning o‘limidan so‘ng Zarifa Edigeyga bidirmay bolalarini olib uzoq o’lkalarga ketadi. Bu esa Edigey qalbining yaralanishiga sabab bo‘ladi. U Zarifa va bolalariga shunchalik o‘rganib qolgan ediki, hatto ularsiz bu yerlarda yashashni ham tasavvur qila olmasdi. Lekin Zarifa Edigeyni sevarmidi degan savol o‘ylantiradi kishini. Buni yozuvchi mavhumligicha qoldiradi, xiyonatga boshlamaslikka harakat qiladi va Zarifani Edigeyning qalbidan yiroqlarga eltib qo‘yadi. Edigey ikki o‘t orasida qoladi: Ukkubola va farzanlari, yoki Zarifa. Shu asnoda ko‘ziga hech narsa ko‘rinmay qoladi. Yuqorida aytib o’tganimizdek, alamini Qoranordan oladi. Bu holatni yozuvchi shunday ta’riflaydi: “Uni qamchisida savalab, og’ziga kelgan so‘z bilan so‘kar edi”1. Uning ahvoli faqat Kazangapgagina ayon edi. U bu yerlardan oilasini olib ketmoqchi ekanligini aytganda, Kazangap uni o‘z fikridan qaytarishga harakat qiladi: “Xo‘sh, ketding ham deylik, lekin o‘zingni tark eta olmaysan-ku. Qayoqqa uloqmagin shuringni qurita olmaysan. Qayoqqa borsang, u sen bilan birga boradi. Yo‘q, Edigey, agar sen erkak bo‘lsang , mana shu yerda o‘zingni o‘zing yengib ol. Ko‘chib ketish mardning ishi emas”2. Kazangap Edigeyga nasihat o‘qtirish befoyda ekanligini tushunib, yuqoridagi gaplarini inkor etgan holda: “Sirasini aytganda, nega men senga saboq berishim kerak, Edigey. Xuddi menga biron naf tegayotganday?! O‘zing ham oq-qorani yaxshi ajratasan, gapning indallosini aytganda, sen – Raymali og’a, men esa Abdilxon emasmiz. Qolaversa, atrofimizda birgina qaqqaygan daraxt ham yo‘qki, unga seni qo‘l oyog’ingdan bog’lab qo‘ysam!”3. Shu fikrning o‘ziyoq Raymali og’a va Begimoy rivoyatining markazida turgan bosh g’oya asosini belgilab beradi. Bu rivoyat orqali yozuvchi sof muhabbat mavzusini qalamga oladi. Sevgi-muhabbat Edigey bilan Raymali og’a obrazlarini o‘xshash tomonlarini belgilab bersa, ular orasida bir-biriga zid bo‘lgan ayrim holatlar ham yo’q emas. Raymali og’aning Edigeydan farqli tomoni shundaki, uning oilasi, farzandlari yo‘q edi. Bu yo‘lda u hech ikkilanmay Begimoyga erishishi mumkin edi. Ular orasiga ukasi va qabiladoshlarining eskicha qarashlari, o‘sha qabila an’analarini hisobga olmaganda, to‘sqinlik qiladigan hech qanday kuch yo‘q edi. Haqiqiy sevgi kimgadir erta, kimgadir kech kirib kelishi, kelganda ham yuraklarni o‘rtab, bedavo dard kabi azoblashi bu rivoyat asosini tashkil etadi. Lekin har doim ajlodlar an’analariga hurmat bilan qaraydigan va vijdon amri bilan ish tutadigan Edigey bu borada ancha mushkul yo‘l orasida qolganini o‘zi ham anglab yetadi. Edigey uchun Ukkubola va farzandlari ham o‘z o‘rnida aziz. Hatto uning sevimli Ukkubolasi homiladorlik vaqtida boshidan o‘tkazgan va Oroldagi “oltin mekri” deb ataluvchi kamyob baliq turi haqidagi voqeani eslashning o‘zi kifoya. Ukkubola homiladorlik vaqtida uning tushiga Oltin mekri degan baliq kiradi. U baliqni ushlab oltin tangalarini siypalamoqchi bo‘libdi, lekin baliq tutqich bermasmish. Ukkubola uyg’onib ketib, anchagacha bu baliqni ko‘rgisi kelib, uni bir siypalashga bosh qorong’u bo‘libdi. Edigey esa buni sezib, xotinining bu istagini amalga oshirish uchun qishning izg’irin nafasi sezila boshlagan paytda Orol dengizi tomon yo‘l oladi. Bu baliqni tutish hammaga ham nasib qilavermas ekan. Oltin mekrini tutish uchun ancha vaqt kutishga to‘g’ri keldi. Lekin Edigey sabr bilan kutdi: “Yo‘q, men oxirigacha kutaman. Aytmagan bo‘lsam ham, xotinim oltin mekre uchun ketayotganimni bilardi. Bola ona qornida qiynalmasligi uchun bu baliqni tutishim kerak. Onasi oltin mekreni qo‘liga olib, ushlab ko‘rsin, axir mening bolam shuni istayapti. Ona ham shunga tashna, men otasi bo‘lib turib ularning xohishini bajo keltirmasam, otaligim qoladimi!”1. Shu o’y-hayollar bilan u oltin mekre balig’iga iltijo qiladi va Ukkubolasiga oltin mekre balig’ini tutib keltirib beradi. Ukkubola esa baliqni xuddi bolani quchog’lagan kabi ko‘ksiga bosdi. Murodiga yetgan xotini eriga minnatdorchilik bildirib, baliqni tezroq suvga quyib yuborishini aytadi. Yuqorida Edigeyning “otaligim qoladimi” degan o‘y-hayollarining o‘ziyoq uning xotini va tug’ilajak farzandiga mehri qanchalik balandligini va sevgisi esa qanchalik ustunligini ko‘rsatib turibdi. Shundan kelib aytadigan bo‘lsak, Edigey Ukkubolani o‘z o‘rnida oila boshlig’i, oilasi oldidagi mas’uliyatni his qilgan holda sevgan. Lekin Raymali og’aga o‘xshab unga ham o‘zi kutmagan pallada o‘zga bir his-tuyg’u qalbida nish uradi. Ana shu hislar uni qalbini yaralaydi, Raymali og’a singari telbalik ko‘chasiga kiradi. Urush kunlarini boshidan o‘tkazgan, o‘z yurtidan ayro yashagan, Sario‘zakdek odam qadami yetmagan joylarga vatan qilishga irodasi yetgan inson o‘z qalbini, his-tuyg’ularini boshqarishga ojizlik qilib qoladi va shunda Raymali og’aning qo‘shig’ida o‘z dardini, hasratu-armonlarini eshitganday bo‘ladi:

Qoratovdan ko‘ch kelar, ko‘ch kelganda

Qo‘limni yechib yubor, inijonim Abdilxon.

Olatovdan ko‘ch kelar, ko‘ch kelganda

Qo‘limni yechib yubor, qiyin jonim Abdilxon.

Saralani joylading, qo‘l-oyog’im boylading,

Sendan xo‘rlik ko‘rishni o‘ylamabman, ado jon.

Qoratovdan ko‘ch kelar, ko‘ch kelganda

Olatovdan ko‘ch kelar, ko‘ch kelganda

Qo‘limni yechib yubor, inijonim Abdilxon.

Erki-la uchib ketsin tanamdagi tirik jon…1
Yozuvchi Edigeyni sevimli ayolidan ayrilganini shunday chiroyli o‘xshatishlar bilan tasvirlaydiki, kitobxon ham Kazangap singari Edigey ruhiyatidagi tushkunlik holatini yurakdan his qilib, uni tushuna boshlaydi: “Edigey Bo‘ron sevimli ayolidan ajralgan o‘sha kuni shu qadar tushkunlikka tushib, umidsizlikdan tiz cho‘kdiki, hech bir qirol, hech bir imperator, hech qanday hokimi mutlaq taxti-baxtidan ajralib qolgan chog’da ham yorug’ dunyo qarshisida bunchalik g’am-g’ussa bilan tiz cho‘kmagandir?! ”2.

Abutolib Quttiboyevni so‘roq qilgani kelgan chag’irko‘z leytenant Tansiqboyev, uni xotiralari bitilgan, og’izdan og’izga o‘tib kelgan rivoyatlar qayd etilgan daftari orasidan Raymali og’a haqidagi rivoyatni o‘qib, xalq tomonidan yaratilgan ma’naviy boyliklarni ma’naviy buzuqlikka xizmat qiluvchi cho’pchaklar deb hisoblaydi: “Aljib qolgan qari chol o‘n to‘qqiz yashar qizni sevib qoladi. Buning nimasi yaxshi? Bu Quttiboyev deganing dushmangina emas, ma’naviy buzuq kishi ham ekan-ku! Bu iflosliklarni ipidan-ignasigacha yozib olganiga qara-ya”1.

Edigeyning Zarifaga bo‘lgan muhabbati – bu hayot sinovi edi. Lekin hamma dardga vaqt davo deganlaridek, Edigey qalbidagi ushbu jarohat ham asta-sekin tuzala boshlaydi. Shunday qilib, Raymali og’a va Begimoy haqidagi rivoyat asar bosh qahramoni Edigey Bo‘ronning ichki kechinmalari asosida vujudga kelgan rivoyat hisoblanadi. Endi rivoyat mazmuniga o’taylik:

Raymali og’a o‘z zamonasining dong’i ketgan oqini (o‘zbek tilining izohli lug’atida oqinbaxshi degan ma’noni anglatadi) bo‘lib, u yoshligini el-yurt yig’inlarida, to’y-tomosholarda do‘mbira chertib o‘tkazdi. Unga yaratgan tomonidan ham shoirlik, ham bastakorlik, ham nafasi o‘tkir oqinlik in’om etilgan edi. Shu tariqa umrini o‘tkazib, qarilik fasliga yetib kelganini ham anglamay qoladi. U mol-dunyo yig’may, boshini ikki qilmay yashadi. Qariganda uni kichik ukasi Abdilxon o‘z qaramog’iga oldi. Raymali og’a esa endi faqat qarilik, oxirati to‘g’risida o‘ylaydigan bo‘lib qoladi. Agar o‘sha to‘yda Begimoyni uchratmaganda umrining qolganini ham shu tariqa osoyishta o‘tkazgan bo‘larmidi? Begimoy endigina o‘n to‘qqiz yoshga to‘lgan, ovozining sehri Raymali og’adek otin bilan bahslashishga qodir juvon. Raymali og’a taklif qilingan ma’rakaga Begimoy ham ishtirok etadi. Qari otin o‘tirgan davraga Begimoy do‘mbirasini qo‘ltiqlagancha kirib, o‘z uzrini aytib, yuragidagi sevgi izhorlarini kuy-qo‘shiq orqali Raymali og’aga yetkazadi. Raymali og’a undan kimligini so‘raganda qiz shu tarzda o‘zini tanishtirib ketadi: Yoshligidan Raymali og’ani sevishini, uning ortidan izma-iz yurib kuy va qo‘shiqlarini yod olganini, tezroq ulg’ayib visol lahzalarini kutganini qo‘shiq bilan hirgoyi qiladi. Shu tariqa ular orasida qo‘shiq aytishuvi boshlanib ketadi. Begimoy qari oqinning yuragiga chug’ soladi. Endi esa Raymali og’aninig soch-soqolidagi oqlar ham sevgisiga halal berolmasdi. Raymali og’a Begimoyni shu paytgacha uchratmagani, qariganda uning diydoriga erishib, ovozini eshittirib azobli rohatga duchor etgani – bularning barchasi tangrining qasosidan deb biladi.



Rivoyatda Raymali og’a hayoti fojea bilan yakun topadi. Raymali og’aning fojiali sevgisi o‘sha qabila an’analarini, urf-odatlarini oyoq osti qilish bilan barobar edi. Ular Raymali og’ani esini yeganlikda, behayolikda va jinnilikda ayblab, to‘ylarda sang’ishni, Begimoy bilan hayosizllarcha ko‘ylashni bas qilishini talab qilishadi. Ular Raymali og’aning qobiliyatini “do‘mbirani qornini qashlab masharabozlik qilish” deb kamsitishadi. Uning qo‘shiqqa bo‘lgan muhabbatini esa “birovlarning ko‘nglini xushlash” deb mashara qilishadi. Raymali og’a aytganidek: “Axir ko‘y quyilib kelsa, kuylamoqning nima aybi bor? Hayot menga umr shomida sevgi hadya etgan bo‘lsa, sevmoqning nima uyati bor? Bu dunyoda sevishganlar baxtiyorligidan ham ortiq narsa bormi? Modomiki, sizlar kechikib topgan sevgim quvonchini tap tortmay kuylaganim uchungina meni telbaga chiqarayotgan bo‘lsalaringiz, unda sizlardan yuz o‘girganim bo‘lsin! Olam keng, kunim sizlarga qolgan bo‘lsa, boshim oqqan yoqqa ketaman. Hoziroq Saralaga minaman-da, sevgilimga boraman yoki bo‘lmasa ko‘y-qo‘shiqlarimizu fe’l-atvorimiz bilan sizlarni bezovta qilmaslik uchun u bilan birga boshqa o‘lkalarga bosh olib ketamiz”1 deydi. Lekin Raymali og’aning ukasi Abdilxon avval uning ijod ilhomi bo‘lmish do‘mbirasini sindirib tashlaydi. So‘ngra uning “ajralmas hamrohi, hammaga ma’lum va mashhur” Sarala nomli otini bo‘g’izlab, yerni issiq qonga bulg’aydi va akasini sevimli yori visoliga erishishiga to‘sqinlik qiladi. Abdilxon singari eskilik sarqiti bilan yashaydigan qabila a’zolari ham tor doiradagi eski urf-odatlar deb Raymali og’aning qalbida kech nish urgan sevgi alangasini so‘ndirmoqchi bo‘lishadi. Raymali og’a esa tor milliy an’analar zanjirini uzib, haqiqiy sof muhabbat sari dadil isyon ko‘tarishga tayyor edi. Ushbu rivoyat qo‘shiq orqali qalblari tutashgan ikki oshiqning sof, pokiza muhabbatini va qaynoq sevgisini tarannum etgan rivoyat hisoblanadi. Rivoyatda faqatgina Raymali og’a va Begimoyning qo‘shiqlaridagina emas, balki rivoyatning har bir satridan muhabbat kuyi, chin insoniy his-tuyg’ular ashulasi yangrab turgandek tuyuladi. Bu kuy hamma-hammani: tuyda yig’ilgan yoshu qarini, piyodayu suvoriyni ham o‘ziga maftun etadi. Raymali og’aning kuylagan qo‘shiqlari go‘zal hayot uchun, chinakam insoniy baxt uchun mardonavor kurashga da’vat etadi. Hayot go‘zalligi bo‘lmish otning o‘ldirilishi va do‘mbirani sindirish faqatgina qalbi insoniylik tuyg’ularidan yiroq bo‘lganlarningina qo‘lidan keladi. Do‘mbirani sindirib, Saralani o‘ldirib, Raymali og’ani o‘zini esa qayin daraxtiga bog’lab qo‘yishadi. Raymali og’a ukasi Abdilxon tomon yuzlanib birdan kuylab yubordi: “So‘nggi zulmat – barin olib tun ketar, tong bo‘zarib yana yorqin kun kelar. Biroq, mening yorug’ kunim qorong’u. Badbaxt inim, Abdilxon, sen quyoshim o‘chirding, yorug’ kunim tun etding. Yoshim qaytib, rabbim menga sevgi ato etganda, dilbandimdan judo etib, motamsaro gerdayding, quvonchingning boisi ham shundadir. Ammo sho’rlik inim Abdilxon, qalbim urishdan to‘xtab, nafasim chiqmay qolgunga qadar qanday sevgi bilan band bo‘lib, qanday sevgi bilan yashayotganimni bilganingda edi! Sen meni daraxtga bog’lab tashlading, biroq men bu yerda emasman, ukam, Abdilxon. Bu yerda jismimgina bandi, xolos, jonim – dilim esa sabo kabi keng dalani quchib, yomg’ir kabi yerga singib ketmoqda. Men har lahzada u bilan birga, uning qoni, tandagi joni bo‘lib yashayman. Subhidamda noz uyqudan turganda yovvoyi kiyik kabi tog’dan sakrab tushaman va uning xiromon qadamlar bilan o‘tovdan chiqishini kutib qoyada intizor bo‘lib turaman. Dilbarim kechuvdan o‘tmoqqa chog’lansa, ot choptirib suv kechsa, men uni lovvullagan yuzlariyu qo‘llariga tuyoq ostidan otilib chiqqan tomchilar bo‘lib sachrayman. Dilbandim ko‘ylaganda men uning dilbar qo‘shig’i bo‘lib yayrayman”1.

Shunday qilib, Raymali og’ani tanasi daraxtga bog’langan bo‘lsa-da, qalbi yor visoliga erishadi, ular ruhan topishadilar. Raymali og’aning sevgisi shu tariqa fojia bilan yakun topadi.

Rivoyatda ifodalangan muhabbat mazmunan teran: bu faqat oshiqning ma’shuqaga yoki ma’shuqaning oshiqqa bo‘lgan shaxsiy his-tuyg’ularigina emas, balki musiqaning ohangdorligi, jozibadorligi bu tuyg’uning jozibasini yanada oshirishga xizmat qilganini ko‘rish mumkin. Rivoyatdan kelib chiqadigan xulosa shuki, muhabbat hamisha g’olibdir. Hatto u mag’lubiyatga uchrasa ham.

III BOB BO’YICHA XULOSALAR
Yozuvchi “Oq kema”da qo’llagan folklordan ijodiy foydalanish usulini o’zining ilk romani bo’lmish “Asrga tatigulik kun”da ham sinab ko’rdi. Yozuvchining o’ziga xos bu uslubi ushbu asarning muvaffaqqiyatini ta’minladi. Adib bu rivoyatlarni shunchaki keltirish yo‘lidan bormay, ularning har birida zamonamizning imkoniyat boshiga solgan muammolari talqiniga e’tibor qaratdi. Rivoyatlar ifodalagan ma’nolar shu qadar zamonaviyki, ular kishi hayotida duch keluvchi turli-tuman murakkab vaziyatlarga, muammolarga javob bo‘la oladilar. Shu jihatdan asardagi qadim rivoyatlar yangi zamon kishilarining ma’naviy-ahloqiy kamolotida belgilovchi ahamiyat kasb etadi.

Aslida, qoliplangan har bir hikoya-voqelik roman ichida har bir romanga mavzu bo‘lgulik. Ammo yozuvchi roman yozish yo‘lidan emas, insonni kashf etish yo‘lidan boradi. Oddiy Kazangap, to‘pori Edigey, vaysaqi Sobitjon, sodda Edilboy Daroz, jafokash Zarifa, milliy tuyg’ulari jo‘sh o‘rgan Quttiboyev, hatto Qoranor vositasida ulkan ijtimoiy-siyosiy, ma’naviy-ruhiy muammolarni ko‘taradi!1.

Asarda keltirilgan ikki rivoyat ikki xil g’oyani targ’ib etishga yo’naltirilgan. Birida vijdonsiz junjanglar tomonidan manqurtga aylantirilgan yigitning qismati yoritilsa, ikkinchisida qari otin Raymali og’a va endigina o’n to’qqizni qoralagan Begimoyning fojeali muhabbati tarannum etiladi.
UMUMIY XULOSA

Ma’lumki, muayyan bir xalqning milliy o‘ziga xosligi, urf-odatlari, an’analari va yetakchi fazilatlarini adabiyotda aks ettirishda folklorning o‘rni beqiyosdir. Qolaversa, millatning ma’naviyati uning adabiyotida ko‘rinadi, yozma adabiyot esa xalq ijodidan oziqlanadi, bu jarayon folklorizmlar orqali namoyon bo‘lar ekan, adabiyotda folklor an’analarining davom etishini o‘rganish hamisha dolzarblik kasb etadi.

Har qanday ulkan ijodkorning buyukligi o‘zining onabag’ir folklorini puxta bilishi, uning barhayot an’analarini ijodiy o‘zlashtirish orqali o‘lmas asarlar yaratishdagi mahorati bilan belgilanadi. Mana shu jihatdan qaralsa, o‘z xalqining folklor xazinasini chuqur bilgan atoqli so‘z san’atkori Chingiz Aytmatov butun ijodi davomida folklor an’analaridan bahramandlik nafasi bilan qalam tebratdi. Folklor Chingiz Aytmatov ijodining muhim qismi, voqelikning turli qirralarini o‘rganishga imkon beruvchi o‘ziga xos tayanchdir. Shu bois aytmatovshunoslikda mazkur yo‘nalish alohida o‘rganiladi. Tadqiqotchilar Ch.Aytmatov ijodida qirg’iz folklorining barcha katta va kichik eposlari namoyon bo‘lishini qayd etish bilan birga, adibning ularga ijodiy yondoshish mahoratini ham e’tirof etganlar.

Ishimizning birinchi bobi “Rivoyatlar talqinida folklorning estetik ahamiyati” deb nomlanib, ikki fasldan iborat. Birinchi fasl: “Rivoyatlarning o’ziga xos xususiyatlari va asar kompozitsion qurilmasida tutgan o‘rni” deb nomlanib, unda rivoyat janri va uning xalq og’zaki ijodida tutgan o’rni, boshqa janrlardan farq qiluvchi xususiyatlari, olimlarning bu janrlar tasnifidagi ayrim mulohazalari, shuningdek, folklor va yozma adabiyot munosabatlari, rivoyat va afsonalardan foydalanib yaratilgan bir qancha asarlar, bu boradagi ijodkorlarning mahorati haqida fikr bildirib o’tdik. Birinchi bobning ikkinchi fasli “Chingiz Aytmatov asarlarida folklor an’analarining qo’llanilishi” deb nomlanib, unda yozuvchi Chingiz Aytmatovning ushbu xalqona uslubdan foydalanish prinsiplari, folklordan oziqlanib asar yaratishida asosiy manba bo’lgan qirg’iz xalq eposi “Manas”ning ijodiy ahamiyati, yozuvchi ijodida folklor va yozma adabiyot munosabatlari, uni qo’llash jarayonidagi asosiy manbalar va shu kabilar haqida to’xtalib o’tdik.

Yozuvchining folklor an’analaridan ijodiy foydalanishi boshqa ijodkorlardan ko‘p jihatlari bilan farqlanib turadi. Adib xalq ijodining inson aql-zakovatini o‘tkirlashtiradigan, o‘tmish va kelajak o‘rtasida ko‘prik vazifasini ifodalaydigan rivoyat janriga tayanib jahon adabiyotida an’anaga aylangan ushbu uslubni o‘z asarlarida qo‘lladi. U xalq eposi va rivoyatlarida tabiat va inson orasidagi mutanosiblikni ta’minlash kabi zavol bilmas xislatlariga amal qildi, o‘z qahramonlari faoliyatida ularni yetakchi ma’naviy-ahloqiy mezonlar sifatida muvaffaqiyat bilan qo‘lladi.

Tadqiqotimizning ikkinchi bobi “Badiiy asar tuzilishida rivoyat va badiiy talqin (“Oq kema” misolida)” deb nomlanib, ushbu bobda adibning “Oq kema” qissasidagi rivoyatlarning qo’llanilish uslubi, mavzu va mazmun ko’lami, obrazlar silsilasi bilan munosabati, tarix va zamona aloqalari, barkamol avlod tarbiyasidagi ta’lim-tarbiyaviy ahamiyati o’rganildi. Birinchi faslda asarning markazida turuvchi Shoxdor ona bug’u haqidagi rivoyatni tahlil va tasnif qilgan bo’lsak, ikkinchi faslda esa qolgan kichik epik rivoyatlarni tadbiq etib o’tdik.

Adib “Oq kema” qissasida o’zining an’anaviy uslubidan keng ko’lamda foydalangan holda rivoyatlarni asar tarkibiga shunday mahorat bilan singdirib yuboradiki, kitobxon rivoyatni asardan xoli ravishda tasavvur qila olmay qoladi. Rivoyatdagi qahramonlarni esa asar obrazlari bilan bir qatorda qabul qiladi. Asarning markazida turuvchi va kulminatsion nuqtasini tashkil etuvchi Ona Bug’u haqidagi rivoyat tarixiy haqiqat asosida vujudga kelgan bo’lib, unda qirgiz xalqining milliy qahramoni bo’lmish Ona bug’uning jasorati, qudrati, mehr-muhabbati haqidagi qarashlar rivoyatning bosh g’oyasi sifatida tanlangan. Shuningdek, ushbu rivoyatning atrofida voqeilikni ifodalash vositasi va mantiqiy davomi sifatida “Boyning o’limi”, bolaning tilidan aytilgan “Shamol”, “Cho‘pon qo‘shig’i” va “Chipalak” haqidagi rivoyatlar ham asarga o’zgacha joziba ta’minlashda muhim ahamiyat kasb etadi. Bu rivoyatlar o’zining badiiy qimmati va didaktik ahamiyati bilan qissa mazmunini yoritib, tarix va zamonaviylik munosabatlarini anglash uchun bir vosita vazifasini o’taydi.

Ishimizning uchinchi bobi “Asrga tatigulik kun” romanining kompozitsiyasi va rivoyatlarning badiiy uyg’unligi” deb nomlanib, adibning “Asrga tatigulik kun” romanidagi rivoyatlar tahliliga bag’ishlandi. Birinchi faslda asarning gultoji hisoblangan “Nayman ona va uning manqurt o’g’li” haqidagi rivoyat haqida mulohaza qilgan bo’lsak, ikkinchi faslda bevosita qari otin haqidagi “Raymali og’a va Begimoy” rivoyatiga to’xtalib o’tdik. Chingiz Aytmatov ijodining ilk romani hisoblanmish “Asrga tatigulik kun”da rivoyatlarning badiiy uyg’unligi va dolzarb ahamiyatga egaligi bilan kitobxon qalbidan abadiy o’rin egallaydi. Ayniqsa, “Nayman ona va manqurt o’g’il” haqidagi rivoyat kishi qalbini junbushga soladi. Birgina manqurt atamasi Aytmatov nomini yana bir karra jahon adabiyotining yuqori cho’qqisiga ko’tarilishiga sabab bo’ldi. Hazrat Alisher Navoiy, Mahmudxo‘ja Behbudiy asarlarida tilga olingan “marquq” tushunchasi, ushbu romanda “manqurt” shaklida qo‘llanilib, adabiy-badiiy hodisaga – ajdodlari, azaliy qadriyatlarini, demakki, o‘zligini yo‘qotgan, xotirasizlikka mahkum kimsalarning badiiy ramziga aylandi.

Asardagi ikkinchi badiiy epik vosita vazifasini bajaruvchi “Raymali og’a va Begimoy” haqidagi rivoyat ham Manqurt rivoyatidan badiiy qimmati jihatidan qolishmaydi. Rivoyatdan taraladigan asosiy g’oya sevgi-muhabbat va uning umrboqiy mavzusidir. Tarixiy rivoyatlar turkumiga mansub ushbu rivoyatda qari otin Raymali og’a va endigina o’n to’qqiz yoshni qoralagan Begimoyning ish-muhabbatlari, ularning fojeaviy sevgisi tarannum etiladi.

Xulosa qilib aytganda, Chingiz Aytmatov ijodida xalq rivoyatlari ulug’vor falsafiy g’oyalarni tarannum etish uchun asos bo‘lib xizmat qilgan. Adib ijodida folklor an’analarining qo’llanilishini tadqiq qilish davomida qo’yidagilar aniqlandi:



  1. Chingiz Aytmatov asarlaridagi rivoyatlar yozuvchi ijodiy fantaziyasi mahsuli bo‘lmasdan, xalq og’zaki ijodi manbalari asosida yaratilgan poetic manbalar sirasiga kiradi.

  2. Adib rivoyatlardan foydalanish jarayonida ularni aynan qo’llamay, balki o’z ijodiy laboratoriyasida qayta ishlab kitobxon xukmiga havola etadi.

  3. Chingiz Aytmatov ijodida keltirilgan rivoyatlar asar badiiy tasvir ko‘lamini kengaytirib, qahramonlar harakterini chuqurroq ifodalash uchun xizmat qiladi.

  4. Yozuvchi folklor syujeti, motiv yoki obrazidan foydalanar ekan, uni yaratayotgan asar badiiy to‘qimasiga mahorat bilan singdirib, hayot haqiqatini to‘laqonli tasvirlashga harakat qilgani bilan xarakterlanadi.

  5. Adib rivoyatlar mazmuni bilan asar voqealarini qiyoslab, yangi ijodiy izlanishlarga qo‘l urdi.

Ma’lumki, san’at asarlarining kuchini, qimmatini belgilaydigan mezonlardan biri keng kitobxonlar ommasidir. “Agar sening asaring kitobxonlarni hayajonlantirsa, bu baxtdir” – deydi adib Chingiz Aytmatov. Buyuk iste’dod sohibi o‘zi shunday baxtga musharraf bo‘ldi va jahon adabiyotining yirik siymosi bo‘lib tanildi. Endilikda yigirmanchi asrning ikkinchi yarmi adabiyotida Aytmatov maktabida saboq olmagan, unga taassub qilmagan yosh yozuvchilar topilmasa kerak. Bugungi kunda Chingiz Aytmatovning asarlari kirib bormagan biron-bir xonadon yoki adibning asarlarini o‘qimagan kitobxon bo‘lmasa kerak. I.G’ofurovning obrazli so‘zlari bilan aytganda Chingiz Aytmatov “dunyoning hamma yog’idan ko‘rinib turgan tog’. Bu cho‘qqini hamma ko‘radi, hamma biladi”.


Download 147,97 Kb.

Do'stlaringiz bilan baham:
1   2   3   4   5




Ma'lumotlar bazasi mualliflik huquqi bilan himoyalangan ©hozir.org 2024
ma'muriyatiga murojaat qiling

kiriting | ro'yxatdan o'tish
    Bosh sahifa
юртда тантана
Боғда битган
Бугун юртда
Эшитганлар жилманглар
Эшитмадим деманглар
битган бодомлар
Yangiariq tumani
qitish marakazi
Raqamli texnologiyalar
ilishida muhokamadan
tasdiqqa tavsiya
tavsiya etilgan
iqtisodiyot kafedrasi
steiermarkischen landesregierung
asarlaringizni yuboring
o'zingizning asarlaringizni
Iltimos faqat
faqat o'zingizning
steierm rkischen
landesregierung fachabteilung
rkischen landesregierung
hamshira loyihasi
loyihasi mavsum
faolyatining oqibatlari
asosiy adabiyotlar
fakulteti ahborot
ahborot havfsizligi
havfsizligi kafedrasi
fanidan bo’yicha
fakulteti iqtisodiyot
boshqaruv fakulteti
chiqarishda boshqaruv
ishlab chiqarishda
iqtisodiyot fakultet
multiservis tarmoqlari
fanidan asosiy
Uzbek fanidan
mavzulari potok
asosidagi multiservis
'aliyyil a'ziym
billahil 'aliyyil
illaa billahil
quvvata illaa
falah' deganida
Kompyuter savodxonligi
bo’yicha mustaqil
'alal falah'
Hayya 'alal
'alas soloh
Hayya 'alas
mavsum boyicha


yuklab olish