Асоснома ва диссертация режаси Тадқиқотчининг Ф. И. Ш

2.Муаммонинг ўрганганлик даражаси. Инглиз тилида кўриш туйғусини ифодаловчи феъллар тилшунослар эътиборидан четда қолмаган бўлиб, 1968 йил Лившиц Ф.Д. томонидан look, watch, stare, gaze, glance, eye феълларининг омонимик қатори тахлил қилинган. 1977 йил кўриш туйғусини ифодаловчи феъллар Рахманина Татьяна Викторовна томонидан ўрганилган бўлиб, ушбу илмий ишда look, watch, stare, gaze, gape, peer, peek, peep, glare феъллари тадқиқот объекти сифатида олинган ва уларнинг семантик хусусиятлари - ўзаро синонимик яқинлиги тадкик қилинган. 1989 йил Вакуленко С.В. “Межъязыковая семантическая эквивалентность лексических единиц” мавзусида номзодлик диссертациясини ёзган бўлиб, мазкур тадқиқотнинг объекти сифатида инглиз ва рус тилларидаги “to look” ва “смотреть” феъллари олинган. Ўзбек тилидаги кўриш туйғусини ифодаловчи феъллар ўзбек тилшунослари томонидан хам ўрганиб чиқилган бўлиб, 1980 йил тилшунос олим К.Рахманбердиев “Ўзбек тилида кўриш туйғусини ифодаловчи феъллар” мавзусида номзодлик ишини ёзган бўлиб, унда мазкур феълларнинг тарихий - генеалогик, морфологик, семантик ва стилистик хусусиятлари ўзбек тилшуносларининг асарлари асосида ўрганилган эди.
3. Тадқиқот ишининг мақсади инглиз ва ўзбек тилларида кўриш туйғусини ифодаловчи феълларнинг когнитив ва лингвопрагматик хусусиятлари ва уларнинг лексикографик муаммолари таҳлилини ёритувчи мукаммал бир тадқиқот яратишдир.
4. Тадқиқот ишининг объекти инглиз ва ўзбек тилларида кўриш туйғусини ифодаловчи феълларнинг когнитив ва лингвопрагматик хусусиятларини ўрганишдан иборат.
6. Тадқиқот ишининг предмети инглиз ва ўзбек тилларида кўриш туйғусини ифодаловчи феълларнинг когнитив ва лингвопрагматик хусусиятларини тилшунослик назарияси нуқтаи назаридан ўрганишдан иборат.
7. Тадқиқот ишининг вазифалари:

1. 
   Когнитив тилшунослик ва лингвопрагматика йўналишларининг илмий-назарий асосларини ўрганиш;
   
2. 
   Кўриш туйғусини ифодаловчи феълларнинг когнитив ва лингвопрагматик хусусиятларини ўрганиб чиқиш;
   
3. 
   кўриш туйғусини ифодаловчи феълларнинг семантик майдонини аниклаш;
   
4. 
   кўриш туйғусини ифодаловчи феълларни концептуал бирликлар сифатида тадқиқ қилиш;
   
5. 
   кўриш туйғусини ифодаловчи феълларнинг семантик, семантик - стилистик, когнитив хусусиятларини англаш;
   
6. 
   инглиз ва ўзбек тилларида кўриш туйғусини ифодаловчи феълларни қиёсий ўрганиш;
   
7. 
   к;иёсий - типологик тахдил асосида инглиз ва ўзбек тилларида кўриш туйғусини ифодаловчи феълларнинг миллий - маданий ўзига хослигини аниқлаш.