Asosiy qoidalar

134-modda. Ko‘rsatuvlarni hodisa sodir bo‘lgan joyda tekshirish bayonnomasi
Ko‘rsatuvlar hodisa sodir bo‘lgan joyda tekshirilgani haqida ushbu Kodeksning 
90 — 92-
moddalarida 
nazarda tutilgan qoidalarga muvofiq surishtiruvchi yoki tergovchi bayonnoma tuzadi,
sud esa tekshiruvning borishi va natijalarini sud majlisi bayonnomasiga kiritadi.
Bundan tashqari bayonnomada: ko‘rsatuvlarni hodisa sodir bo‘lgan joyda tekshirish qayerda,
qachon, qanday sharoitda o‘tkazilganligi; qanday joylar va narsalar ko‘zdan kechirilganligi; hodisa
sodir bo‘lgan joyda berilgan ko‘rsatuvlarning mazmuni qandayligi; hodisaning sharoiti va holatlarini
tiklash nimada o‘z aksini topganligi; shaxs o‘zining avvalgi ko‘rsatuvlariga qanday aniqliklar
kiritganligi ko‘rsatilishi lozim.
16-bob. KO‘ZDAN KEChIRISh
135-modda. Ko‘zdan kechirish uchun asoslar
Oldingi
 tahrirga qarang.

---

Jinoyat izlari, ashyoviy dalillarni topish, hodisa sodir bo‘lgan vaziyatni va ish uchun ahamiyatli
bo‘lgan boshqa holatlarni aniqlashtirish maqsadida tergovga qadar tekshiruvni amalga oshiruvchi
organning mansabdor shaxsi, surishtiruvchi, tergovchi yoki sud hodisa sodir bo‘lgan joyni, murdani,
hayvonlarni, tevarak-atrofni, binolarni, narsalar va hujjatlarni ko‘zdan kechiradi.
(135-moddaning birinchi qismi O‘zbekiston Respublikasining 2017-yil 6-sentabrdagi O‘RQ-442-sonli
Qonuni 
tahririda — O‘R QHT, 2017-y., 36-son, 943-modda)
Odam badanini ko‘zdan kechirish guvohlantirish yoki ekspertiza o‘tkazish qoidalariga
asoslangan holda (ushbu Kodeksning 
142 — 147 
va 
172 — 187-moddalari
) amalga oshiriladi. Pochta-
telegraf jo‘natmalarini ko‘zdan kechirish ushbu Kodeksning 
167-moddasida 
nazarda tutilgan
tartibda o‘tkaziladi.
Narsalarni olib qo‘yish va tintuv o‘tkazish chog‘ida topilgan narsa va hujjatlar shu tergov
harakatlarini o‘tkazish uchun belgilangan qoidalarga rioya qilgan holda ko‘zdan kechirilishi lozim.