Asosiy qoidalar

569-modda. Shaxs tibbiy muassasaga joylashtirilganda jinoyat ishini yuritishning to‘xtatib
turilishi
Oldingi
 tahrirga qarang.
Basharti gumon qilinuvchining, ayblanuvchining, sudlanuvchining ruhiy holati buzilganligi
yoki boshqa og‘ir kasalligi ambulatoriya ekspertizasi xulosasi yoki boshqa tibbiy hujjatlar bilan
tasdiqlangan bo‘lsa va qanday kasallikka duchor bo‘lganligini aniqlash, aqli rasoligi, muomalaga
layoqatliligi masalasini hal etish, shuningdek tibbiy yo‘sindagi majburlov chorasini tanlash uchun

---

08.05.2022, 17:51
22.09.1994. O‘zbekiston Respublikasining Jinoyat-protsessual kodeksi
https://lex.uz/docs/-111460
209/232
statsionar ekspertiza o‘tkazilayotgan bo‘lsa, shaxs tibbiy muassasaga joylashtirilgan davrda, basharti
boshqa protsessual harakatlarni o‘tkazishga hojat bo‘lmasa, ishni yuritish to‘xtatib turilishi mumkin.
(569-moddaning birinchi qismi O‘zbekiston Respublikasining 2019-yil 12-sentabrdagi O‘RQ-567-sonli
Qonuni 
tahririda — Qonun hujjatlari ma’lumotlari milliy bazasi, 13.09.2019-y., 03/19/567/3737-son)
Ishni yuritishning to‘xtatib turilishi ayblanuvchini qamoqda saqlash va shaxsning tibbiy
muassasada bo‘lishiga oid qonunda belgilangan muddatlar o‘tishini to‘xtatmaydi.
570-modda. Shaxsning tergov va sud harakatlarini yuritishdagi ishtiroki
Oldingi
 tahrirga qarang.
O‘ziga nisbatan tibbiy yo‘sindagi majburlov choralari qo‘llanishi to‘g‘risida ish yuritilayotgan
shaxs sog‘aysa yoki unda beqaror remissiya holati yuz bersa va shu tufayli so‘roqlarda to‘g‘ri
ko‘rsatuv bera olsa hamda boshqa tergov va sud harakatlarida ishtirok eta olsa, surishtiruvchi,
tergovchi va sud bu shaxsga tergov qilishda va sud muhokamasida qatnashish hamda o‘zini himoya
qilish huquqini amalga oshirish imkonini berishi lozim.
(570-moddaning birinchi qismi O‘zbekiston Respublikasining 2017-yil 6-sentabrdagi O‘RQ-442-sonli
Qonuni 
tahririda — O‘R QHT, 2017-y., 36-son, 943-modda)
Oldingi
 tahrirga qarang.
O‘ziga nisbatan tibbiy yo‘sindagi majburlov choralari qo‘llash to‘g‘risida ish yuritilayotgan
shaxs: unga qanday ijtimoiy xavfli qilmish sodir etganlik uchun ayb qo‘yilayotganini bilishga;
ko‘rsatuv berishga; dalillar taqdim qilishga; iltimoslar qilishga; surishtiruv yoki dastlabki tergov
tamomlanganidan so‘ng ishning barcha materiallari bilan tanishib chiqishga; himoyachiga ega
bo‘lishga; sud muhokamasida qatnashishga; rad qilishga; surishtiruvchi, tergovchi, prokuror va
sudning harakatlari hamda qarorlari ustidan shikoyat qilishga haqlidir.
(570-moddaning ikkinchi qismi O‘zbekiston Respublikasining 2017-yil 6-sentabrdagi O‘RQ-442-sonli
Qonuni 
tahririda — O‘R QHT, 2017-y., 36-son, 943-modda)
Oldingi
 tahrirga qarang.
Surishtiruvchi, tergovchi tibbiy yo‘sindagi majburlov choralarini qo‘llash ishini yuritishni
boshlash va sud-psixiatriya ekspertizasi tayinlash to‘g‘risidagi qarorni e’lon qilganda mazkur
shaxsga ushbu moddaning ikkinchi qismida nazarda tutilgan huquqlarini tushuntirib beradi.
Huquqlar tushuntirilganligi to‘g‘risida bayonnoma tuziladi.
(570-moddaning uchinchi qismi O‘zbekiston Respublikasining 2017-yil 6-sentabrdagi O‘RQ-442-sonli
Qonuni 
tahririda — O‘R QHT, 2017-y., 36-son, 943-modda)
Mazkur shaxs alohida tergov va sud harakatlarini yuritish vaqtida ushbu Kodeksdagi
ayblanuvchi va sudlanuvchilar uchun belgilangan huquqlarga ham ega.